ۇلى وتان سوعىسىنىڭ ارداگەرى، كسرو ءىىم-نىڭ ەڭبەك سىڭىرگەن قىزمەتكەرى، ق ر ءىىم-نىڭ قۇرمەتتى ارداگەرى، ميليسيا پولكوۆنيگى ەسەنعازييەۆ ورانعالي ەسەنعازىۇلىنا وتباسىمەن بىرگە تۇرعان ءۇيدىڭ قاسبەتىنە ەسكەرتكىش تاقتا ورناتىلدى.
سالتاناتتى جيىنعا الماتى قالالىق پد-نىڭ باسشىلىعى، جەكە قۇرامى جانە ءىىو-نىڭ ارداگەرلەرى قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اتى اڭىزعا اينالعان ازامات تۋرالى بۇگىندە ق ر ءىىم قۇرمەتتى ارداگەرلەرى، ورانعالي ەسەنعازييەۆتىڭ ارىپتەستەرى ءوز ەستەلىكتەرىمەن ءبولىستى. ورانعالي ەسەنعازييەۆ 1922 جىلى باتىس قازاقستان وبلىسى، قاراتوبە اۋدانى، باتباقۇل اۋىلىندا دۇنيەگە كەلگەن. ول بالالار ۇيىندە تاربيەلەندى. جەتى جىلدىق مەكتەپتى بىتىرگەننەن كەيىن وڭتۇستىك قازاقستان وبلىسىنداعى اۋىلشارۋاشىلىق تەحنيكۋمىنا وقۋعا تۇسكەن.
1941-1946 جىلدارى جۇمىسشى-شارۋا قىزىل ارمياسى قاتارىندا بولىپ، باتارەيا كومانديرى دارەجەسىنە دەيىن كوتەرىلدى. ۇوس ارداگەرى قۇقىق قورعاۋ ورگاندارىندا 1947 جىلدان بەرى قىزمەت ەتتى. سوعىس اياقتالعاننان كەيىن ەلدەگى قىلمىستىق جاعداي ناشارلادى، بانديتيزم مەن قىلمىستىق قۇقىق بۇزۋشىلىقتاردىڭ ءوسۋى ارتتى. وسىعان وراي، ەلىمىزدە مايدانگەرلەردى پوليسيا جۇمىسىنا بەلسەندى تارتۋ قولعا الىندى.
ەسەنعازييەۆ بانديتيزمگە قارسى كۇرەس بولىمىنە (بقك) جەدەل ۋاكىلدىڭ كومەكشىسى بولىپ قابىلدانىپ، قاجەتتى جەدەل داعدىلاردى مەڭگەردى. كوپ ۇزاماي ارنايى ءبىلىم الۋ ءۇشىن الماتىداعى كسرو ءىىم-نىڭ وفيسەرلەر مەكتەبىنە وقۋعا جىبەرىلدى. وقۋدى بىتىرگەننەن كەيىن ول نەگىزگى قۇرام كۋرسىنىڭ مەڭگەرۋشىسى بولىپ قالدى. مۇندا ول كۋرسانتتاردى وزىنە جۇكتەلگەن مىندەتتى ورىنداۋعا جۇمىلدىرا الاتىن، تالاپتى كوماندير ەكەنىن كورسەتتى. كىشى كومانديرلەرمەن جۇمىس ىستەۋگە دە جەتكىلىكتى كوڭىل ءبولدى. 1978 جىلى ميليسيا پولكوۆنيگى شەنىمەن زەينەتكەرلىككە شىقتى. ۇلى وتان سوعىسىنىڭ ارداگەرى 2016 جىلى دۇنيەدەن ءوتتى.
ورانعالي ەسەنعازييەۆ جايلى ەستەلىكتەردى ءىىو-نىڭ ارداگەرلەرى مەن پوليسيا قىزمەتكەرلەرىنىڭ جاس بۋىنى ەشقاشان ۇمىتپايدى. ورانعالي ەسەنعازييەۆ اسكەري جانە ەڭبەك وردەندەرىمەن ماراپاتتالعان: ءبىرىنشى جانە ەكىنشى دارەجەلى وتان سوعىسى، “قىزىل جۇلدىز”، “قۇرمەت”، “ءبىزدىڭ جەڭىس ءۇشىن” (رف)، 50-دەن استام مەدال جانە توسبەلگى، ونىڭ ىشىندە جاۋىنگەرلىك جانە ەڭبەكتەگى ەرلىگى ءۇشىن دە ماراپاتتالعان. سونداي-اق ق ر ءىىم مەن كسرو ءىىم، الماتى قالاسى اكىمدىگىنىڭ، ماسكەۋ قالاسى ۇكىمەتىنىڭ، ورتالىق جانە الماتى قالالىق ارداگەرلەر كەڭەسىنىڭ قۇرمەت گراموتالارىمەن بىرنەشە رەت ماراپاتتالعان.