الماتىنىڭ ەكى اۋدانىندا گاز ءوشىرىلدى

جوندەۋ جاسالىپ جاتىر.

تۇركسىب جانە جەتىسۋ اۋداندارى بويىنشا تۇرعىن ۇيلەر مەن نىساندارعا گاز بەرۋ توقتاتىلدى، دەپ حابارلايدى Almaty-akshamy.kz

تۇتىنۋشىلاردى گازبەن ۇزدىكسىز قامتاماسىز ەتۋ ءۇشىن تۇركسىب اۋدانىندا جوندەۋ جاسالىپ جاتىر. سوعان بايلانىستى گاز ۋاقىتشا ءوشىرىلدى.

تۇركسىب اۋدانىندا №42 اپاتتى گاز قۇدىعىن اۋىستىرۋ جۇرگىزىلەدى. تۇتىنۋشىلارعا گازدى ۇزدىكسىز جانە اپاتسىز بەرۋ ءۇشىن د-159 مم ورتا قىسىمدى جەراستى گاز قۇبىرى جوندەلىپ جاتىر. كاسسين مەن ايباسوۆ كوشەلەرىنىڭ قيىلىسىندا قالپىنا كەلتىرۋ جۇمىسى ىستەلىپ جاتىر.

ەسكە سالايىق، 30 قازاندا تۇركسىب جانە جەتىسۋ اۋداندارى بويىنشا رىسقۇلوۆ – جانسۇگىروۆ – وماروۆ – سەرىكوۆ – قۇلاگەر ى/ا-سەيفۋللين-اقان سەرى – بەحتەر-دوستويەۆسكيي-لۋزين كوشەلەرىندەگى تۇرعىن ۇيلەر مەن نىساندارعا گاز بەرۋ توقتاتىلدى.

"ىسكە قوسۋ جۇمىسى 31 قازان باستالىپ، گازدان اجىراتىلعانداردىڭ كوپتىگىنە بايلانىستى 1 قاراشادا اياقتالادى. وسىعان بايلانىستى، تۇرعىنداردان "ينتەرگاز ورتالىق ازيا" اق مگقب الماتى گاز شارۋاشىلىعى قىزمەتكەرلەرى جۇرگىزەتىن جۇمىستار اياقتالعانعا دەيىن جانە ىسكە قوسۋ باستالعانعا دەيىن گاز كراندارىن جابۋدى جانە اشپاۋدى سۇرايمىز. ءماجبۇرلى قولايسىزدىقتارعا تۇسىنىستىكپەن قاراۋدى سۇرايمىز. ويتكەنى جۇمىس الماتى قالاسىنىڭ گاز جۇيەلەرىن اپاتسىز پايدالانۋ ءۇشىن جاسالىپ جاتىر»، دەلىنگەن "قازترانسگاز ايماق" اق الماتى وندىرىستىك فيليالىنىڭ باسپا ءسوز قىزمەتى تاراتقان اقپاراتتا.