الماتىدا «ناۋرىز: ءداستۇر جانە جاڭعىرۋ» اتتى كورمە مەن عىلىمي-تاجىريبەلىك كونفەرەنسيا ءوتتى
جيىنعا كەلگەن بايانداماشىلار ناۋرىز مەيرامىنىڭ شىعۋ تاريحىن تىلگە تيەك ەتتى، دەپ حابارلايدى Almaty-akshamy.kz
ال كورمەدە قازاق حالقىنىڭ ءداستۇرلى تۇرمىس-سالتى، ناۋرىز مەرەكەسىنىڭ تويلانۋى بەينەلەنگەن فوتوسۋرەتتەر ەل نازارىنا ۇسىنىلدى. ءىس-شارا بارىسىندا قوناقتارعا ناۋرىزكوجە تاراتىلىپ، زەرگەرلەر شەبەرلىك ساعاتىن وتكىزدى.
«نەگىزىنەن، ەندى جىل باستالدى دەۋگە بولادى. جيىندا ستۋدەنتتەرگە ناۋرىزدىڭ قالاي باستالاتىنى، ونىڭ قانداي سالت-داستۇرلەرى بار ەكەنى تۋرالى وتە جاقسى ماعلۇماتتار بەردى. ناۋرىز ايىندا ۇلكەن تۇششىمدى جاقسى كونفەرەنسيا ءوتتى»، - دەدى الماتى قالاسى مۋزەيىنىڭ جەتەكشىسى باقبەرگەن تايشييەۆ.
«قازاقتىڭ ءداستۇرلى رۋحاني، ماتەريالدىق مادەنيەتىنە تەك تاريحي تۇرعىدان قارامايمىز. ونى بۇگىنگى جاستارىمىزعا وسى ۇلكەن ساباق، ۇلگى رەتىندە قاراستىرامىز»، - دەيدى ءال-فارابي اتىنداعى قازاق ۇلتتىق ۋنيۆەرسيتەتى ارحەولوگيا جانە ەتنولوگيا كافەدراسىنىڭ پروفەسسورى ابدەش تولەۋبايەۆ.