بۇل تۋرالى «ادىلەت» قوعامدىق بىرلەستىگىنىڭ ءتوراعاسى ەرلان تومپييەۆ ايتتى.
ەلىمىزدە تۇتىنۋشىلاردىڭ 65،9%-ى زاڭدى بىلگەنىمەن، تەك 21%-ى عانا ءوز قۇقىعىن قورعاي الادى، دەپ حابارلايدى Almaty-akshamy.kz
«ادىلەت» قوعامدىق بىرلەستىگى بىلتىر تۇتىنۋشىلاردىڭ قۇقىعىن قورعاۋ ماسەلەلەرى بويىنشا قازاقستاننىڭ 17 وڭىرىندە الەۋمەتتىك ساۋالناما جۇرگىزگەن.
«ءبىز 20 مىڭ ادام قاتىسقان ساۋالناما جۇرگىزدىك. ونىڭ قورىتىندىسى تۇتىنۋشىلاردىڭ ءوز قۇقىعىن بىلمەيتىنىن كورسەتتى. سۇراققا جاۋاپ بەرگەندەردىڭ 65،9%-ى زاڭدى بىلەتىنىن، ءبىراق ونى پايدالانبايتىنىن ايتقان. تۇتىنۋشىلاردىڭ اراسىندا زاڭدى پايدالاناتىنداردىڭ ۇلەسى – 21%. ەگەر ولار زاڭدى بىلسە، ونى پايدالانسا، بىزگە تۇسەتىن شاعىمدار سانى ازايار ەدى»، – دەدى ەرلان تومپييەۆ.
ول بۇگىندە تۇتىنۋشىلارعا زاڭدى ءتۇسىندىرۋ جۇمىستارى جۇرگىزىلىپ جاتقانىن اتاپ ءوتتى.