كورمەگە 35 سۋرەتشى قاتىسادى
2022 جىلدىڭ 27 قازانىندا ساعات 15:00-دە قازاقستان رەسپۋبليكاسى مەملەكەتتىك ورتالىق مۋزەيىندە رەسپۋبليكا كۇنىنە ارنالعان «ۇلى تاۋلارىنىڭ شىڭدارى» اتتى رەسپۋبليكالىق سۋرەتشىلەر كورمەسى اشىلادى، دەپ حابارلايدى Almaty-akshamy.kz.
كورمەنىڭ ماقساتى – قازاقستانداعى بەينەلەۋ ونەرىن قولداۋ جانە دامىتۋ، سۋرەتشىلەردىڭ كاسىبي تاجىريبە الماسۋىنا جاعداي جاساۋ، مادەني كەڭەستىكتە زاماناۋي ونەر ۇردىستەرىن ناسيحاتتاۋ جانە ۇسىنۋ.
كورمە رەسپۋبليكالىق ارت-سيمپوزيۋم اياسىندا ۇيىمداستىرىلادى. كورمەگە (الماتى، استانا، تالدىقورعان، شىمكەنت، قاراعاندى، پاۆلودار، سەمەي، جانە قىزىلوردا) قالالارىنان 35 سۋرەتشى قاتىسادى، ولار ءارتۇرلى ۇرپاقتارمەن، ونەر مەكتەپتەرىن جانە ستيلدەر مەن ۇردىستەردى بەينەلەيدى.
ينكليۋزيۆتىلىكتى قامتاماسىز ەتۋگە ەرەكشە نازار اۋدارىلادى - جوباعا ەرەكشە قاجەتتىلىكتەرى بار سۋرەتشىلەر قاتىسادى.
ونەرسۇيەر قاۋىمنىڭ نازارىنا اۆتوردىڭ 70-تەن استام بىرەگەي تۋىندىلارى ۇسىنىلادى - سۇلۋلىعىمەن عاجايىپ پەيزاجدار، اسقاق تاۋلار، قارلى شىڭدار، كۇننىڭ باتۋى مەن شىعۋى، كەنەپتە بەينەلەنگەن ەلليۋزيالار مەن پارادوكستار ۇسىنىلادى.
كورمەنى ق ر مادەنيەت جانە سپورت مينيستىرلىگى مەن «Social Development Center» قوعامدىق قورى ۇيىمداستىردى.