بۇرىنعى قورعانىس ءمينيسترى مۇرات بەكتانوۆقا قاتىستى قىلمىستىق ءىس اسكەري سوتقا جولداندى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
استانانىڭ قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ باسپا ءسوز قىزمەتى بۇرىنعى قورعانىس ءمينيسترى مۇرات بەكتانوۆقا قاتىستى ءىس ماتەريالدارى سوتقا تۇسكەنى تۋرالى اقپاراتتى راستادى.
"بۇل ءىس بويىنشا باسقا مالىمەت جاريالانبايدى"، - دەدى اسكەري سوتتىڭ باسپا ءسوز قىزمەتى وكىلدەرى.
ەسكە سالايىق، بيىل 19 اقپانىندا باس پروكۋراتۋرا بۇرىنعى قورعانىس ءمينيسترى مۇرات بەكتانوۆقا قىزمەتىندەگى ارەكەتسىزدىك دەرەگى بويىنشا قىلمىستىق كودەكستىڭ 452-بابى بويىنشا سوتالدى تەرگەپ-تەكسەرۋدى باستاعان بولاتىن.
20 اقپاندا بەكتانوۆ ۇستالىپ، ۋاقىتشا ۇستاۋ يزولياتورىنا قامالدى.