بالالار جىلىن قورىتىندىلاۋ
قازاقستان رەسپۋبليكاسى مەملەكەتتىك ورتالىق مۋزەيىندە بالالار جىلىنىڭ اياقتالۋىنا ارنالعان «ۇلى دالا ۇرپاقتارى» اتتى رەسپۋبليكالىق فەستيۆالى ءوتتى، دەپ حابارلايدى Almaty-akshamy.kz.
فەستيۆالدىڭ سالتاناتتى اشىلۋىندا قازاقستان رەسپۋبليكاسى مەملەكەتتىك ورتالىق مۋزەيىنىڭ ديرەكتورى راشيدا ەرىم قىزى ءوز جىلى لەبىزىن ءبىلدىرىپ قاتىسۋشى ۇستازداردى العىس حاتپەن ماراپاتتادى. بەينەلەۋ ونەرى بويىنشا ق ر سۋرەتشىلەر وداعىنىڭ مۇشەسى، ق ر ەڭبەك سىڭرگەن قايراتكەرى، سۋرەتشى اقانايەۆ بەيسەبەك اتابەك ۇلى، ساندىك-قولدانبالى ونەر بويىنشا ق ر قولونەرشىلەر وداعىنىڭ مۇشەسى، ق ر ەڭبەك سىڭىرگەن قايراتكەرى رىسكەلدى مۇسايەۆ بالالاردى گران-پري جۇلدەگەرلەرىمەن ماراپاتتادى.
«بالالار جىلىنىڭ» جابىلۋىنا ارنالعان فەستيۆال اياسىندا بالالار مۋزىكالىق ۇجىمدارىنىڭ «فيەستا» شوۋ-بالەتى، №5 وقۋشىلار ءۇيى، الماتى قالاسى وقۋشىلار سارايى، ك.بايسەيىتوۆا اتىنداعى دارىندى بالالارعا ارنالعان رەسپۋبليكالىق مامانداندىرىلعان مۋزىكالىق مەكتەپ-ينتەرناتىنىڭ قاتىسۋىمەن بالالارعا ارنالعان كونسەرت ۇيىمداستىرىلدى.
«ۇلى دالا ۇرپاقتارى» بالالار شىعارماشىلىعىنىڭ رەسپۋبليكالىق كورمە-بايقاۋىنىڭ جەڭىمپازدارى 16 وقۋشى ءار ءتۇرلى جانردان بەينەلەۋ ونەرى بويىنشا سولتان اينارا، سولتان سانجار الماتى قالاسى «زەردەش» زياتكەرلىك مەكتەبى، عالىمجان قىزى ءلايلىم الماتى وبلىسى، بالقاش اۋدانى، د.ا.قونايەۆ اتىنداعى ورتا مەكتەپ، ارىستانبەك اسقار جامبىل وبلىسى، شۋ قالاسى، ا.س. ماكارەنكو ورتا مەكتەبى، ءسالىم السۋ «زەردەش» زياتكەرلىك مەكتەبى، اندرەيەۆا ەكاتەرينا №199 مەكتەپ، ميحاليەۆسكايا سنەجانا جامبىل وبلىسى، مويىنقۇم اۋدانى، شىعاناق ورتا مەكتەبى، ەرلەر الماس شىمكەنت قالاسى، ءا.قاستەيەۆ اتىنداعى ديزاين جانە ونەر كوللەدجى سونداي-اق ساندىك-قولدانبالى ونەر بويىنشا عاني قىزى اياكوز الماتى وبلىسى، بالقاش اۋدانى، د.ا.قونايەۆ اتىنداعى ورتا مەكتەپ، مەدەتبەك رامازان الماتى قالاسى، اۋەزوۆ اۋدانى، №173 مەكتەپ-ليسەيى، مۋراتبەك نۋرباح №199 مەكتەپ، افاناسيەۆ تيمۋر الماتى وبلىسى، تالعار اۋدانى، №36 الاقاي ونەر مەكتەبى، ەلەۋوۆا يلانا الماتى قالاسى، №111 گيمنازيا، نۇراحمەت امينا الماتى قالاسى №176 مەكتەپ-گيمنازيا وقۋشىلارى گران پري جۇلدەگەرلەرىمەن ماراپاتتالدى.
بۇل كۇنى بالالار ن.ساس اتىنداعى ورىس مەملەكەتتىك اكادەميالىق بالالار مەن جاسوسپىرىمدەر تەاترىنىڭ «SATS ComUnity» بالالار تەاترالدىق ستۋدياسىنىڭ قويىلىمدارىن («الدار كوسە» قويىلىمىن) جانە ج.ەلەبەكوۆ اتىنداعى رەسپۋبليكالىق ەسترادا-سيرك كوللەدجىنىڭ ستۋدەنتتەرىنەن قۋىرشاق تەاترىن تاماشالادى.
سونىمەن قاتار، و.تاڭسىقبايەۆ اتىنداعى الماتى ساندىك-قولدانبالى ونەر كوللەدجىنەن جانە الماتى قالاسىنىڭ كوركەمسۋرەت ستۋديالارىنان، ونەردىڭ ءارتۇرلى باعىتتارى بويىنشا شەبەرلىك ساباقتارى ۇيىمداستىرىلدى.
