ۇلتتىق ونوماستيكا فەنومەنى: ەل تاريحى، جەر تاعدىرى
ق ر ۇلتتىق كىتاپحاناسىنىڭ ن. داۋلەتوۆا اتىنداعى زالىندا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور، قازاق ونوماستيكاسىنىڭ نەگىزىن سالۋشى تەلعوجا سەيدىن ۇلى جانۇزاقتىڭ 95 جىلدىق مەرەيتويىنا ارنالعان «ۇلتتىق ونوماستيكا فەنومەنى: ەل تاريحى، جەر تاعدىرى» اتتى ءتىلتانىمدىق مەكتەپ الاڭى اياسىنداعى حالىقارالىق عىلىمي-تەوريالىق كونفەرەنسيا وتەدى، دەپ حابارلايدى Almaty-akshamy.kz.
شارا 8 جەلتوقسان ساعات 10.00-گە جوسپارلانعان. شارا اياسىندا عالىمنىڭ ءتىلتانىمدىق مۇراسى، تۇركىتانۋداعى ونوماستيكا عىلىمى، ۇلتتىق ونوماستيكانىڭ وزەكتى ماسەلەلەرى، قازاق ونوماستيكاسىنىڭ جاڭا باعىتتارى، ۇلتتىق ونوماستيكانىڭ لينگۆومادەنيەتتانىمدىق جانە ورتولوگيالىق ماسەلەلەرى بويىنشا بەلگىلى ءتىلشى عالىمدار بايانداما جاسايدى، تەلعوجا جانۇزاقتىڭ عىلىمي ەڭبەكتەرىنىڭ كورمەسى ۇيىمداستىرىلادى.
تەلعوجا جانۇزاق قازاق ونوماستيكا عىلىمىنىڭ نەگىزىن سالعان، سونىمەن قاتار ءتىل ءبىلىمىنىڭ لەكسيكوگرافيا، تەرمينولوگيا، ورفوگرافيا، ستاتلينگۆيستيكا، اۋدارما ماسەلەلەرىمەن شۇعىلدانعان. عالىم وسى ۋاقىتقا دەيىن ونوماستيكا عىلىمى بويىنشا مونوگرافيالار جازىپ، ماقالالار جاريالاپ كەلەدى.