الماتى قالاسىندا ءابىلحان قاستەيەۆ اتىنداعى قازاقستان رەسپۋبليكاسى مەملەكەتتىك ونەر مۋزەيىنىڭ ورتالىق كورمە زالىندا قازاقتىڭ ۇلتتىق سپورتى – كوكپارعا ارنالعان «ۇلى دالا ويىنى» اتتى بىرەگەي فوتوكورمەسى اشىلدى، دەپ حابارلايدى aqshamnews.kz.
بۇل كورمەدە كورەرمەندەر فوتوسۋرەتشى نيكيتا باسوۆ تۇسىرگەن سۋرەتتەر ارقىلى قازاق ۇلتتىق سپورتىنىڭ باي تاريحىمەن تانىسا الادى.
كورمەدە كوكپار ويىندارىنىڭ ءتۇرلى ساتتەرى مەن قازاقتىڭ ءداستۇرلى مادەنيەتىن كورسەتەتىن فوتوسۋرەتتەر ۇسىنىلدى. بۇل مادەني ءىس-شارا قازاق حالقىنىڭ ۇلتتىق قۇندىلىقتارى مەن سپورتتىق داستۇرلەرىن ۇلىقتاۋعا باعىتتالعان.