جامبىل اتىنداعى مەملەكەتتىك جاسوسپىرىمدەر كىتاپحاناسىندا حالىقارالىق سيرەك كەزدەسەتىن اۋرۋلار كۇنىنە وراي «زارا ءوزىنىڭ جولاقتارى تۋرالى ايتادى» بالالار كىتابى تانىستىرىلدى.
زارا – زەبرا-كەيىپكەر. ول ادامدار اراسىندا سيرەك كەزدەسەتىن دەرتكە شالدىققان بالالاردى ءوزىن وزگە قاتارلاستارىنان كەم ساناماۋعا ۇيرەتۋگە ۇمتىلادى، ولاردىڭ ءوز دياگنوزىن قابىلداي الۋىنا كومەكتەسەدى. سونداي-اق كىشكەنتاي الا قۇلان ءسوزىنىڭ سوڭىندا ەرەسەكتەرگە ەرتە دياگنوستيكانىڭ، ۋاقىتىلى مەديسينالىق كومەك پەن پسيحولوگيالىق قولداۋدىڭ ماڭىزدىلىعىن دا ايتىپ كەتەدى.
رەسپۋبليكالىق ەلەكتروندى دەنساۋلىق ورتالىعىنىڭ مالىمەتىنە سۇيەنسەك، بۇگىندە ەلىمىزدە 80 مىڭنان استام ادام سيرەك كەزدەسەتىن اۋرۋلارمەن كۇن كەشۋدە. ولاردىڭ 20 مىڭعا جۋىعى بالا.
AstraZeneca كومپانياسى شىعارعان ەرەكشە تۋىندى – بالالارعا ارنالعان وسى باعىتتاعى ەڭ العاشقى كىتاپ. قازاقشا جانە ورىسشا باسىلعان. كەش بارىسىندا وتاندىق بەلگىلى سيرك ءارتيسى مۇرات مۇتىرعانوۆ كىتاپتان ءۇزىندى وقىدى. ال «جاڭا ءومىر» قوعامدىق قورى پاسيەنتتەر ۇيىمىنىڭ وكىلى سالتانات ماحامبەتوۆا سيرەك كەزدەسەتىن اۋرۋلاردىڭ ەرتە دياگنوستيكالاۋ قاجەتتىلىگى، تەراپيانىڭ قولجەتىمدىلىگى، وتباسىلارعا الەۋمەتتىك، پسيحولوگيالىق قولداۋ كورسەتۋ ماڭىزدىلىعى تۋرالى ساۋالدارعا جاۋاپ بەردى. ءيا، سيرەك كەزدەسەتىن دەرتتەرمەن اۋىراتىن ناۋقاستارمەن جۇمىس ىستەۋدە، دياگنوستيكادان باستاپ قاجەتتى تەراپيانى الۋعا دەيىنگى قيىن جولدا ادامدارعا قولداۋ كورسەتۋدە پاسيەنت ۇيىمدارى دا ماڭىزدى ءرول اتقارادى.
ايتا كەتەيىك، AstraZeneca – ونكولوگيا، كارديولوگيا، نەفرولوگيا، مەتابوليكالىق بۇزىلۋلار، رەسپيراتورلىق اۋرۋلار جانە اۋتويممۋندىق اۋرۋلاردىڭ تەراپيەۆتىك سالالارىندا رەسەپت بويىنشا بەرىلەتىن دارى-دارمەكتەردى اشۋعا، دامىتۋعا جانە كوممەرسيالاندىرۋعا باعىتتالعان عىلىمي نەگىزدەلگەن جاھاندىق بيوفارماسيەۆتيكالىق كومپانيا. كومپانيا 100-دەن استام ەلدە جۇمىس ىستەيدى جانە ونىڭ يننوۆاسيالىق پرەپاراتتارىن بۇكىل الەم بويىنشا ميلليونداعان پاسيەنت پايدالانادى.
– سيرەك كەزدەسەتىن اۋرۋلارمەن اۋىراتىن ناۋقاستارعا مەديسينالىق كومەك كورسەتۋدى ۇيىمداستىرۋدى جاقسارتۋ ءۇشىن بىلتىر ەلىمىزدە UMC بازاسىندا سيرەك كەزدەسەتىن اۋرۋلاردى دياگنوستيكالاۋ مەن ەمدەۋ تاسىلدەرىن بىرىزدەندىرۋگە جانە مولەكۋليارلىق دياگنوستيكانىڭ قولجەتىمدىلىگىن ارتتىرۋعا مۇمكىندىك بەرەتىن رەسپۋبليكالىق ورفاندىق اۋرۋلار ورتالىعى قۇرىلدى. الماتىدا №2 قالالىق بالالار كلينيكالىق اۋرۋحاناسىنىڭ بازاسىندا قمۋ بالالار نيەۆرولوگياسى كافەدراسىمەن بىرلەسىپ، سيرەك كەزدەسەتىن كەسەلدەرگە شالدىققان بالالارعا بىلىكتى كومەك كورسەتۋ ءۇشىن دياگنوستيكالىق مۇمكىندىكتەرى كەڭ، جوعارى دارەجەلى دارىگەرلەردەن تۇراتىن ۇلكەن كوپسالالى توپ قۇرىلدى. ال بۇگىنگى كىتاپتىڭ تۇساۋكەسەرى سيرەك كەزدەسەتىن اۋرۋلار تۋرالى حاباردار ەتۋ جانە ولاردى دەر كەزىندە دياگنوستيكالاۋدىڭ ماڭىزدىلىعىن ارتتىرۋداعى تاعى ءبىر قادام بولدى دەپ سانايمىن، – دەيدى الماتى قالاسىنىڭ شتاتتان تىس باس بالالار نيەۆرولوگى گيۋزەل حۋدايبەردييەۆا.