وقيعا شىمكەنت-استانا رەيسىندە بولعان.
20 جاستاعى ستۋدەنت ەسىنەن تانىپ قالىپ، وعان شۇعىل مەديسينالىق كومەك كورسەتۋ قاجەت بولدى، دەپ حابارلايدى aqshamnews.kz.
ۇشاق بورتىندا بولعان رەانيماتولوگ، «پەدياتريا جانە بالالار حيرۋرگياسى عىلىمي ورتالىعى» اق جاڭا تۋعان نارەستەلەردىڭ انەستەزيولوگياسى، رەانيماسياسى جانە قارقىندى تەراپياسى بولىمشەسىنىڭ مەڭگەرۋشىسى، نەيروحيرۋرگ جانە كارديولوگ نۇرسۇلتان قۇربانبەكوۆ جەدەل كومەك بەرىپ، جولاۋشىنىڭ ءومىرىن ساقتاپ قالدى.
پاسيەنتتىڭ ءيمپۋلسى ءالسىز، قان قىسىمى نولدىك دەڭگەيدە بولعان. بۇل اۋىر جاعدايدى بىلدىرەدى. دارىگەردىڭ جەدەل جانە ۇيلەستىرىلگەن ءىس-قيمىلىنىڭ ارقاسىندا قىزدىڭ جاعدايى بىرنەشە مينۋتتان كەيىن جاقساردى. انامنەزدە قانداعى گەموگلوبين دەڭگەيى نەبارى 61 ەكەنى انىقتالدى جانە پاسيەنت ەمدەلمەگەن. بۇل - ەسىن جوعالتۋ سەبەبىنىڭ ءبىرى بولۋى مۇمكىن، - دەپ جازدى دەنساۋلىق ساقتاۋ مينيسترلىگىنىڭ باسپا ءسوز قىزمەتى.