قاتىسۋشىلار كوكپار، اۋدارىسپاق، تەڭگە ءىلۋ، جامبى اتۋ، الامان بايگە سىندى سپورت تۇرلەرىنەن ب ا ق سىناۋدا. 
الماتى يپپودرومىندا V دۇنيەجۇزىلىك كوشپەندىلەر ويىندارى قارساڭىندا «ۇلى دالا ويىندارى» ۇلتتىق سپورت تۇرلەرىنەن فەستيۆال وتۋدە، دەپ حابارلايدى aqshamnews.kz
سونداي-اق قوناقتار ءۇشىن اسىق اتۋ، توعىزقۇمالاق، گىر كوتەرۋ جانە قول كۇرەسىنەن شەبەرلىك ساباقتارى ۇيىمداستىرىلعان.
«جارىستار ۇلتتىق سپورتتى كەڭىنەن ناسيحاتتاۋ، سونداي-اق V دۇنيەجۇزىلىك كوشپەندىلەر ويىندارىن تانىستىرۋ ماقساتىندا وتكىزىلۋدە. جارىستار سپورتتىڭ 12 تۇرىنەن وتەدى. قاتىسۋشىلار ءبىزدىڭ شاقىرۋىمىز بويىنشا ەلىمىزدىڭ ءار وڭىرىنەن كەلدى»، - دەدى ۇيىمداستىرۋشىلاردىڭ ءبىرى نۇرلان وسپانوۆ.
ايتا كەتەرلىگى، الامان بايگەنىڭ جۇلدە قورى 3 ميلليون تەڭگە، قۇنان بايگەگە 2 ميلليون تەڭگە تىگىلگەن.
ۇيىمداستىرۋشىلاردىڭ تاعى ءبىرى باۋىرجان تالعات ۇلىنىڭ ايتۋىنشا، بايگەدەن اكىم كۋبوگىنا ءۇشىن ىرىكتەۋ 11 تامىزدا وتەدى.
V دۇنيەجۇزىلىك كوشپەندىلەر ويىندارى 8-13 قىركۇيەكتە استانادا وتەدى، وعان 89 ەلدەن 2 مىڭنان استام قاتىسۋشى كەلەدى.
بۇعان دەيىن ج. ۇشكەمپىروۆ اتىنداعى جەكپە-جەك سارايىندا قانداي جارىستار وتەتىنىن حابارلاعان بولاتىنبىز.