قازاقستان رەسپۋبليكاسى مەملەكەتتىك ورتالىق مۋزەيى 2022 جىلدىڭ 10 قاراشاسىندا ساعات 10.00-دە «بالالار جىلىنا» وراي مەكتەپ-ينتەرناتتارى اراسىندا «مۋزەي كۋبوگى» ۇلتتىق ويىندارى بويىنشا قالالىق سپورتتىق تۋرنير وتكىزەدى.
سپورتتى دامىتۋ جانە ءبىلىم بەرۋ مەكەمەلەرىندە ۇلتتىق ويىنداردى دارىپتەۋ مەملەكەتتىڭ ماڭىزدى باسىم مىندەتتەرىنىڭ ءبىرى بولىپ تابىلادى. ۇلتتىق ويىندار قازاقستاننىڭ مەكتەپ باعدارلاماسىنا ەنگىزىلۋدە، وندا دەنە شىنىقتىرۋ ساباقتارىندا وقۋشىلار «قازاق كۇرەسى»، «توعىزقۇمالاق»، «اسىق اتۋ» پاندەرىن وقيدى.
«مۋزەي كۋبوگى» سپورتتىق ءتۋرنيرى الماتى قالاسى ءبىلىم باسقارماسى قالالىق دەنە شىنىقتىرۋ جانە سپورت ورتالىعىمەن بىرلەسىپ وتكىزىلەدى.
ءىس-شارا باعدارلاماسىندا:
- مەكتەپ-ينتەرناتتارىنىڭ باسشىلارىنىڭ العى ءسوزى؛
- مۋزەي زالدارى بويىنشا ەكسكۋرسيالار؛
- مۋزەي كينوزالىندا «كوشپەلىلەر» مەن «ءبىز وسىندا تۇرامىز» فيلممدەرىنىڭ كورسەتىلۋى؛
- «اسىق اتۋ»، «بەس اسىق»، «توعىزقۇمالاق»، «ارقان تارتۋ» سياقتى ۇلتتىق ويىندار تۇرلەرى بويىنشا جارىستار.
جارىس قورىتىندىسى بويىنشا تۋرنير قاتىسۋشىلارىن ماراپاتتاۋ، مەدالدار مەن ديپلومدار تابىس ەتىلەدى.