قاڭتارداعى جاپپاي تارتىپسىزدىكتەر كەزىندە قولدى بولعان 2026 قارۋ ءالى تابىلمادى.
بۇل تۋرالى ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە
«قاڭتار وقيعاسى» كەزىندە ۇرلانعان 1،5 مىڭ دانا قارۋدى ازاماتتار ءوز ەركىمەن تاپسىردى. وسى ورايدا ولاردىڭ ازامات رەتىندەگى جوعارى ۇلەسىن اتاپ ءوتۋ كەرەك. وكىنىشكە قاراي، قازىرگى تاڭدا جاپپاي تارتىپسىزدىكتەر كەزىندە ۇرلانعان 2026 دانا قارۋدىڭ قاي جەردە ەكەنى بەلگىسىز. سوندىقتان قولدى بولعان قارۋلاردى ىزدەپ تابۋ جۇمىسى جالعاسىپ جاتىر»، - دەدى سانجار ءادىلوۆ ورتالىق كوممۋنيكاسيالار قىزمەتىندە وتكەن بريفينگىدە.
سونداي-اق ىشكى ىستەر مينيسترلىگىنىڭ وكىلى ازاماتتاردى زاڭسىز ساقتاپ وتىرعان قارۋدى تاپسىرۋعا شاقىردى.
«زاڭسىز ساقتالعان قارۋلاردى تاپسىرۋعا شاقىرامىن. قارۋدى ءوز ەركىمەن تاپسىرعان جاعدايدا قىلمىستىق جانە وزگە دە جاۋاپكەرشىلىكتەن بوساتۋعا كەپىلدىك بەرىلەدى»، - دەيدى ول.
بۇعان دەيىن سانجار ءادىلوۆ «قاڭتار وقيعاسى» بويىنشا كىنالى دەپ تانىلىپ، بوس بوستاندىعىنان ايىرىلعاندارعا قاتىستى مالىمەتپەن بولىسكەن ەدى.