قازاقستاندىقتاردىڭ جالپى بورىشتىق جۇكتەمەسى 19،3 ترلن تەڭگەگە جەتتى
قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ دەرەگىنشە، ەكونوميكاعا نەسيەلەر 2022 جىلعى قىركۇيەكتە 2،0%-عا ءوسىپ، 21،1 ترلن تەڭگەنى قۇرادى (جىلدىڭ باسىنان بەرى ءوسىم – 14،1%-عا نەمەسە 2،6 ترلن تەڭگە)، دەپ حابارلايدى Almaty-akshamy.kz inbusiness.kz-كە سىلتەمە جاساپ.
"ۇلتتىق ۆاليۋتاداعى كرەديتتەر 2022 جىلعى قىركۇيەكتە 1،8%-عا، 19،3 ترلن تەڭگەگە دەيىن ۇلعايدى، شەتەل ۆاليۋتاسىنداعى كرەديتتەر 4،4%- عا، 1،8 ترلن تەڭگەگە دەيىن ءوستى.
زاڭدى تۇلعالارعا كرەديتتەر 2022 جىلعى قىركۇيەكتە 1،3%-عا ۇلعايىپ، 8،0 ترلن تەڭگەنى قۇرادى. بۇل رەتتە جىل باسىنان بەرى وسى كورسەتكىشتىڭ ءوسۋى 3،6%-دى قۇرادى (2021 جىلعى وسىنداي كەزەڭدە – 3،9%-عا ءوستى). بيىلعى قىركۇيەكتە زاڭدى تۇلعالارعا 988 ملرد تەڭگە سوماعا قارىز بەرىلدى، بۇل 2022 جىلعى تامىزبەن سالىستىرعاندا 1،5%-عا كوپ"، – دەپ حابارلادى اگەنتتىك.
ءىرى بيزنەسكە قارىزدار 2022 جىلدىڭ باسىنان بەرى 2،7%-عا 3،3 ترلن تەڭگەگە دەيىن، شوب (دك قوسا العاندا) قارىزدارى 6،8%-عا 5،6 ترلن تەڭگەگە دەيىن ۇلعايدى.
سالالار بويىنشا زاڭدى تۇلعالارعا بەرىلگەن كرەديتتەردىڭ نەگىزگى ۇلەسى ونەركاسىپكە (34،1%)، ساۋداعا (21،4%)، قۇرىلىسقا (7،6%) جانە كولىككە (5،4%) تيەسىلى.
جەكە تۇلعالاردىڭ كرەديتتەرى 2022 جىلعى قىركۇيەكتە 2،5%-عا ۇلعايىپ، 13،1 ترلن تەڭگەنى قۇرادى (اعىمداعى جىلدىڭ باسىنان بەرى 21،6%-عا ءوستى).
"جەكە تۇلعالارعا كرەديتتەردىڭ وسۋىنە جەڭىلدەتىلگەن مەملەكەتتىك يپوتەكالىق باعدارلامالاردى ىسكە اسىرۋدى جالعاستىرۋ ناتيجەسىندە يپوتەكالىق كرەديتتەۋدىڭ 3،3%-عا 4،3 ترلن تەڭگەگە دەيىن ۇلعايۋى، سونداي-اق تۇتىنۋشىلىق قارىزداردىڭ 2،3%-عا 7،2 ترلن تەڭگەگە دەيىن ءوسۋى سەبەپ بولدى"، – دەپ حابارلادى اگەنتتىك.