بۇگىنگى تاڭدا ۆاكسينا العان الماتىلىقتاردىڭ سانى 690 055 ادامدى قۇرايدى.
دارىگەرلەر الماتى ۇجىمدىق يممۋنيتەت قالىپتاستىرۋ ءۇشىن قالا تۇرعىندارىنىڭ ەڭ از دەگەندە ءبىر ميلليون 267 مىڭ ادام ەكپە الۋ كەرەكتىگىن ايتتى، دەپ حابارلايدى Almaty-akshamy.kz.
الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنبايەۆ وڭىرلىك كوممۋنيكاسيالار قىزمەتىنىڭ الاڭىندا «الماتى قالاسىندا «دەلتا» شتامىنىڭ تارالۋىنا بايلانىستى ەپيدەميولوگيالىق جاعدايدىڭ اسقىنۋى تۋرالى» تاقىرىبىندا وتكەن ونلاين باسپاسوز-كونفەرەنسياسى بارىسىندا ۇجىمدىق يممۋنيتەت قالىپتاسۋ ءۇشىن ەكپە الۋدى ماڭىزدىلى تۋرالى ايتتى.
سونىمەن قاتار ناريمان تابىنبايەۆ ەكپە الىپ قويعان الماتىلىقتاردىڭ ەكىنشى رەت ەكپە الۋى تۋرالى ايتتى.
«قازىرگى كەزدە ەكپە العان ازاماتتاردىڭ ەكىنشى رەت ەكپە الۋ شاراسى قاشان بولاتىنىن بەلگىسىز، سەبەبى ءبىز قازىرگى كەزدە ۆاكسيناسيانىڭ ءبىرىنشى كەزەڭىن اياقتاپ الۋىمىز كەرەك. ەكپە الۋدىڭ ەكىنشى كەزەڭى تۋرالى سۇراۋشىلار بار، ءبىراق بۇل شارا قاشان بولاتىنى ازىرگۇە بەلگىسىز»، – دەدى ناريمان تابىنبايەۆ.