فيتوسانيتاريالىق باقىلاۋ جۇرگىزۋ بارىسىندا وسىمدىكتەر كارانتينى سالاسىندا 1 723 بۇزۋشىلىق انىقتالدى.
اۋىل شارۋاشىلىعى مينيسترلىگىنىڭ مەملەكەتتىك ينسپەكتورلارى زاڭدى بۇزعان ەكسپورتەرلارعا ايىپپۇل سالدى، دەپ حابارلايدى Almaty-akshamy.kz.
مامانداردىڭ ايتۋىنشا، ەكسپورتەرلار كوپ جاعدايدا ءونىمدى فيتوسانيتاريالىق سەرتيفيكاتسىز الىپ جۇرگەن. سونىمەن قاتار، قاپتامالارىندا تاڭبالاۋ بولمايدى، فيتوسانيتارلىق سەرتيفيكات تالاپتارىنا سايكەس كەلمەيدى جانە فيتوسانيتارلىق تالاپتار بۇزىلعان.
«150 جاعدايدا كارانتيندىك وبەكتىلەر انىقتالعان. 403 جاعدايدا كارانتينگە جاتقىزىلعان ءونىم ەكسپورتتاۋشى ەلگە قايتارىلدى، تاعى 8 جويىلدى. سونىمەن قاتار، 1 406 جەكە جانە زاڭدى تۇلعالار اكىمشىلىك جاۋاپكەرشىلىككە تارتىلىپ، 92 401 241،0 تەڭگە كولەمىندە ايىپپۇل سالىندى. ءازىربايجان ەلىنەن جەتكىزىلگەن قىزاناق جەمىستەرىنە كارانتيندىك فيتوسانيتاريالىق باقىلاۋ جۇرگىزۋ كەزىندە 17 جاعدايدا Tomato brown rugose cfruit virus (ToBRFV) ۆيرۋسى انىقتالدى. وسىعان بايلانىستى كوميتەت تاراپىنان ءازىربايجان اۋماعىنان قىزاناق جەمىستەرىن اكەلۋگە شەكتەۋ تۇرىندە ۋاقىتشا كارانتيندىك فيتوسانيتاريالىق شارا ەنگىزىلدى»، – دەلىنگەن اشم باسپا ءسوز قىزمەتىنىڭ حابارلاماسىندا.
زاڭنامالاردى باسشىلىققا الا وتىرىپ جانە ءازىربايجان رەسپۋبليكاسىنىڭ ازىق-تۇلىك قاۋىپسىزدىگى جونىندەگى اگەنتتىگىنەن كەلىپ تۇسكەن كارانتينگە جاتقىزىلعان ءونىمدى قازاقستان رەسپۋبليكاسىنىڭ اۋماعىنا اكەلۋدىڭ الدىن الۋ بويىنشا قابىلدانعان جانە قابىلداناتىن شارالار تۋرالى اقپاراتى نازارعا الىنىپ، 2021 جىلعى 21 قاڭتاردان باستاپ وسى شەكتەۋ الىنىپ تاستالدى.
سونداي-اق، جىل باسىنان بەرى تۇركمەنستاننىڭ وسىمدىكتەر كارانتينى جونىندەگى مەملەكەتتىك قىزمەتىنىڭ فيتوسانيتاريالىق سەرتيفيكاتتارىنىڭ سۇيەمەلدەۋىمەن قازاقستانعا جەتكىزىلەتىن قىزاناقتارعا كارانتيندىك فيتوسانيتاريالىق باقىلاۋ جۇرگىزۋ كەزىندە «قوڭىر ءاجىم» ۆيرۋسىنىڭ (Tomato brown rugose fruit virus (ToBRFV) 19 دەرەگى انىقتالعان.
كارانتيندىك وبەكتىلەردىڭ جۇيەلى تۇردە انىقتالۋىنا جانە ەاەو ءبىرىڭعاي كارانتيندىك فيتوسانيتاريالىق تالاپتارىنىڭ بۇزىلۋىنا بايلانىستى، ق ر اشم اوك مەملەكەتتىك ينسپەكسيا كوميتەتى 2021 جىلدىڭ 7-ماۋسىمىنان باستاپ تۇركمەنستان اۋماعىنان قىزاناق پەن بۇرىش ونىمدەرىن اكەلۋگە تىيىم سالۋ تۇرىندە ۋاقىتشا كارانتيندىك فيتوسانيتاريالىق شارالاردى ەنگىزدى.