2023 جىلدىڭ 14 مامىرىندا ساعات 13:30 شاماسىندا قاتتى جەلدىڭ سالدارىنان اۋەزوۆ اۋدانىنداعى 1 شاعىناۋدانداعى ءۇيدىڭ قاسبەتى جارتىلاي قۇلادى، - دەپ حابارلايدى اlmaty-akshamy.kz.
بۇل ءۇيدى 2015 جىلى «Nest Stroy» ج ش س پايدالانۋعا بەردى. 5 جىلعا سوزىلعان كەپىلدىك مەرزىمى اياقتالعان بولاتىن.
تۇرعىندار «تۇرعىن ءۇي» ج ش س ارقىلى ءۇيدىڭ قاسبەتىن جاڭعىرتۋعا ءوتىنىم بەردى. 15 مامىردان باستاپ جوبالاۋ-سمەتالىق قۇجاتتامانى جاساۋ جۇمىستارى باستالادى. قازىرگى ۋاقىتتا اۋەزوۆ اۋدانىنىڭ كوممۋنالدىق قىزمەتتەرىنىڭ كۇشىمەن اۋماقتى جيناۋ جۇمىستارى جۇرگىزىلىپ جاتىر.
«ميب وكىلدەرىمەن جانە قۇرىلىس سالۋشىمەن («Nest Stroy» ج ش س) ءتۇسىندىرۋ جۇمىستارى بارىسىندا اتالعان كومپانيا قالپىنا كەلتىرۋ جۇمىستارىن جۇرگىزۋ ءۇشىن قارجىلىق كومەك كورسەتەدى دەگەن ۋاعدالاستىققا قول جەتكىزىلدى. جۇمىستاردى ءۇشىنشى تاراپ كومپانياسى جۇرگىزەدى جانە قىسقا مەرزىمدە جۇمىسقا كىرىسەدى».
ايتا كەتەيىك، پاتەرلەردىڭ، تۇرعىن ەمەس ءۇي-جايلاردىڭ يەلەرى كوندومينيۋم نىسانىنىڭ ورتاق مۇلكىنە اعىمداعى جانە كۇردەلى جوندەۋ جۇرگىزۋدى قوسقاندا، كوندومينيۋم نىسانىنىڭ ورتاق مۇلكىن كۇتىپ-ۇستاۋ جانە ونىڭ ءقاۋىپسىز پايدالانىلۋىن قامتاماسىز ەتۋ جونىندە شارالار قابىلداۋعا مىندەتتى.