سولتۇستىكتە تۇمان، شىعىستا ۇسىك جۇرەدى
«قازگيدرومەت» رمك-سى 15 مامىر كۇنگى اۋا رايى بولجامىن جاريالادى، دەپ حابارلايدى Almaty-akshamy.kz.
كاسىپورىننىڭ بولجامىنا قاراعاندا، بۇگىن اتموسفەرالىق فرونتالدى بولىكتەردىڭ وتۋىنە وراي قازاقستاننىڭ باسىم بولىگىندە كۇن قۇبىلمالى بولادى. نايزاعاي ويناپ، جاڭبىر جاۋادى.
كۇندىز ەلدىڭ وڭتۇستىك-باتىسىندا نايزاعاي ويناپ، نوسەر جاۋىن، بۇرشاق جاۋادى. رەسپۋبليكا بويىنشا جەل كۇشەيىپ، سولتۇستىك-باتىستا تۇمان ءتۇسىپ، كۇندىز وڭتۇستىكتە شاڭدى داۋىل تۇرادى.
كۇندىز ماڭعىستاۋ وبلىسىنىڭ باتىسىندا قاتتى جاڭبىر كۇتىلەدى.
تۇندە اقمولا، پاۆلودار وبلىستارىنىڭ سولتۇستىگىندە، شىعىسىندا، اباي وبلىسىنىڭ باتىسىندا، شىعىس قازاقستان وبلىسىنىڭ شىعىسىندا 1-3 گرادۋس ۇسىك، قوستاناي وبلىسىنىڭ باتىسىندا، سولتۇستىگىندە، سولتۇستىك قازاقستان وبلىسىنىڭ باتىسىندا توپىراق بەتىندە 2 گرادۋس ۇسىك جۇرەدى. قىزىلوردا وبلىسىندا، تۇركىستان وبلىسىنىڭ سولتۇستىگىندە، جەتىسۋ جانە اقتوبە وبلىستارىنىڭ وڭتۇستىگىندە، الماتى وبلىسىنىڭ سولتۇستىك-باتىسىندا توتەنشە ءورت ءقاۋپى ساقتالادى.