Telegram مەسسەندجەرىندە مۇگەدەكتەر ارباسىندا وتىرعان باربي قۋىرشاعىنىڭ سۋرەتى تاراپ كەتتى.
ونىڭ باعاسىندا بۇل قۋىرشاقتىڭ «باربي — بۋستەرلىك دوزادان كەيىن» دەپ اتالاتىنى جازىلعان. كەيبىر پايدالانۋشىلاردىڭ پىكىرىنشە، وسىلايشا ءوندىرۋشى كومپانيا COVID-19 قارسى ۆاكسينالار وتە ءقاۋىپتى جانە ەمدەلمەيتىن اۋرۋلار تۋدىراتىنىن جەتكىزبەك. بۇل جالعان، دەپ حابارلايدى Almaty-akshamy.kz Stopfake.kz سايتىنا سىلتەمە جاساپ.
شىن مانىندە، سۋرەتتە كورسەتىلگەن قۋىرشاق Barbie Fashionistas Doll #165 دەپ اتالادى. ءوندىرۋشىنىڭ سايتىندا قۋىرشاقتىڭ ۆاكسيناسياعا نەمەسە COVID-19 پاندەمياسىنا قانداي دا ءبىر قاتىسى بار ەكەندىگى تۋرالى ەشتەڭە ايتىلماعان.
Mattel كومپانياسى مۇگەدەكتەر ارباسىندا وتىرعان جانە پروتەزدەرى بار قۋىرشاقتار سەرياسىن 2019 جىلى ءار ءتۇرلى ادامداردىڭ بولاتىنىن كورسەتۋ ءۇشىن شىعاردى.
دەمەك، مۇگەدەكتەر ارباسىنداعى باربي قۋىرشاعىنىڭ پاندەميامەن ەشقانداي بايلانىسى جوق جانە ۆاكسيناسيانىڭ «قاۋىپتىلىگى» جايلى ەسكەرتۋ بولىپ سانالمايدى. ال باعاسىنداعى «بۋستەرلىك دوزا» جازۋى مانيپۋلياسيا جانە ويىنشىقتىڭ بىرەگەي اتاۋىنا قاتىستى ەمەس.