«الماتى» تەلەارناسى ۇجىمىنىڭ مالىمدەمەسى
قۇرمەتتى دوستار! بۇگىن الاڭداتارلىق ءبىر جاعداي بولدى. قاڭتار وقيعاسى كەزىندە قازا تاپقان 4 جاسار ايكوركەم مەلدەحانعا قاتىستى الماتى گارنيزونىنىڭ اسكەري سوتى ماڭىندا ءبىزدىڭ ارىپتەستەرىمىزگە ازاماتتىق بەلسەندى بەليالوۆ بايباح كۇش كورسەتتى.
ناقتى ءبىر سەبەپتى اتاماستان، ءتۇسىرىلىم توبىنا شابۋىلداعان ازامات جۋرناليست پەن تەلەوپەراتورعا دەنە جاراقاتىن سالىپ، ءشتاتيۆتى سىندىرعان. ونىمەن قويماي ارىپتەستەرىمىزگە بۇدان كەيىن دە قانداي دا ءبىر ارەكەت جاسايتىنىن ايتىپ، قورقىتقان، بوقاۋىز ءسوز ايتقان.
ءبىز ايكوركەم مەدەلحاننىڭ قازاسىنا قايعىرامىز، بۇل وقيعاعا بەي-جاي قارامايمىز. سونىمەن قاتار ب ا ق وكىلدەرىنە كۇش كورسەتۋدى تارتىپسىزدىك ءھام زاڭعا قايشى ارەكەت دەپ سانايتىنىمىزدى جەتكىزگىمىز كەلەدى. وسى تۇستا كىنالى ازاماتقا زاڭ شەڭبەرىندە شارا قولدانىلۋىن تالاپ ەتەمىز.
ەلدىڭ باس پروكۋراتۋراسى مەن ىشكى ىستەر مينيسترلىگىنەن، ق ر اقپارات جانە قوعامدىق دامۋ مينيسترلىگىنەن قىزمەتكەرلەرىمىزدىڭ قاۋىپسىزدىگى مەن بەدەلىنە نازار اۋدارۋدى سۇرايمىز.