قالاداعى نەگىزگى داڭعىلداردىڭ بىرىندە كولىك قوزعالىسى بەكىتىلگەن كەستەگە سايكەس 31 تامىزعا قاراي اياقتالۋى كەرەك ەدى. الايدا جوندەۋ جۇمىستارى مەرزىمىنەن بۇرىن اياقتالادى دەپ جوسپارلانىپ وتىر، دەپ حابارلايدى almaty-akshamy.kz
ءال-فارابي داڭعىلىنداعى جولدىڭ وڭتۇستىك جاعىنداعى جول جوندەۋ جۇمىستارى تولىق اياقتالدى، ال سولتۇستىك جاعىمەن دوستىق داڭعىلىنان دۋلاتي داڭعىلىنا دەيىن اسفالتبەتون جابىنى توسەلىپ كولىك قوزعالىسى اشىلدى. سوڭعى بولىكتى جوندەۋ جۇمىستارى اۋا-رايى قولايسىزدىعىنا بايلانىستى كەيىنگە قالدىرىلعان بولاتىن.
اۋا-رايى قولايلى بولعان جاعدايدا 14 تامىز ساع.23:00-دەن 16 تامىز 06:00-گە دەيىن ءال-فارابي داڭعىلىنىڭ سوڭعى دۋلاتي داڭعىلىنان اسقاروۆ كوشەسىنە دەيىنگى بولىگىندە جوندەۋ جۇمىستارى جۇرگىزىلىپ، ۋاقىتشا كولىك قوزعالىسى شەكتەلەدى.
جوندەۋ اۋماعىن تورايعىروۆ جانە مۇستافين كوشەلەرىنىڭ بۇرىلىستارى مەن اينالما جولدارى ارقىلى اينالىپ وتۋگە بولادى.
جول قوزعالىسىنا قاتىسۋشىلاردىڭ قاۋىپسىزدىگىن پاترۋلدىك پوليسيا قىزمەتكەرلەرى قامتاماسىز ەتەدى. جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، الماتى جول تەلەگرام ارناسىندا (https://t.me/AlmatyJoly)، سونىمەن قاتار، 2گيس جانە ياندەكس كارتا قوسىمشالارىندا قولجەتىمدى.