Calvert Journal Film Festival-بۇل تاۋەلسىز رەجيسسەرلەرگە ارنالعان ونلاين-فەستيۆال.
«وركەنيەت تاريحى» كارتيناسى الماتىدان لوندونعا كوشۋگە ۇمتىلعان ينديرا ەسىمدى قىزدىڭ ءومىرىن باياندايدى، دەپ حابارلايدى Almaty-akshamy.kz
رەجيسسەر جاننات الشانوۆانىڭ «وركەنيەت تاريحى» ءفيلمى The Calvert Journal Film Festival 2021 فەستيۆالىندە «ۇزدىك قىسقا مەتراجدى فيلم» نوميناسياسىن جەڭىپ الدى.
Calvert Journal Film Festival-بۇل تاۋەلسىز رەجيسسەرلەرگە ارنالعان ونلاين-فەستيۆال جانە پلاتفورما، وندا ولار ءوز جوبالارىن كەڭ اۋديتورياعا ۇسىنا الادى. فەستيۆالدى 2020 جىلى The Calvert Journal حالىقارالىق جۋرنالى قۇردى، شىعىس ەۋروپا، بالقان، رەسەي، كاۆكاز جانە ورتالىق ازيانىڭ مادەنيەتى مەن شىعارماشىلىعىن زەرتتەۋگە ارنالعان.
«وركەنيەت تاريحى» كارتيناسى الماتىدان لوندونعا كوشۋگە ۇمتىلعان ينديرا ەسىمدى قىزدىڭ ءومىرىن باياندايدى. كوشۋگە ءبىر كۇن قالعاندا قىزدىڭ ومىرىندە ءار ءتۇرلى وقيعالار بولادى.
«وركەنيەت تاريحى» ءفيلمىنىڭ ءتۇسىرىلىمى 2019 جىلى الماتىدا ءوتتى. باستى ءرولدى Mergen لاقاپ اتىمەن ونەر كورسەتەتىن ءانشى ءارى كومپوزيتور اقمارال زىقايەۆا سومدادى. قىز ءۇشىن بۇل فيلمدەگى العاشقى ءرولى. ونىڭ كينوداعى سەرىكتەسى سۋرەتشى ايدار الىمبايەۆ بولدى. قويۋشى-وپەراتور پورتۋگاليادان كەلگەن لەاندرو فەرران.
ايتا كەتەيىك، «وركەنيەت تاريحى» ءفيلمى بۇعان دەيىن شۆەيساريانىڭ لوكارنو كينوفەستيۆالىندە «كۇمىس بارس» سىيلىعىنا يە بولعان. سونىمەن قاتار، كارتينا Toronto International Film Festival (كانادا)، Bosphorus International Film Festival (تۇركيا)، Prague Shorts (چەحيا)، Les Arcs Film Festival (فرانسيا) جانە ت.ب. كينوفەستيۆالدەردىڭ باعدارلاماسىنا ىرىكتەلدى.
جاننات الشانوۆا سونىمەن بىرگە ءوزىنىڭ دەبيۋتتىك تولىقمەتراجدى «جەڭىمپازداردى سورەدە كورۋگە بولادى» ءفيلمىنىڭ جوباسى ءۇشىن When East Meets West ("شىعىس باتىسپەن كەزدەسكەندە") بىرلەسكەن كينووندىرىس فورۋمىندا جەڭىمپاز اتاندى.