الماتى قالالىق ءماسليحاتىنىڭ دەپۋتاتى شۋحراد شاردينوۆ الماتى قالالىق ورتالىقتاندىرىلعان كىتاپحانالار جۇيەسى كمم ديرەكتورى - روزا كابييەۆامەن جانە قازاقستاندىق جازۋشىلار كىتاپحاناسىنىڭ مەڭگەرۋشىسى - اگايسا ەلەنامەن كەزدەستى دەپ حابارلايددى almaty-akshamy.kz
الماتى قالاسىنىڭ Nur Otan پارتياسىنىڭ سايلاۋالدى باعدارلاماسىن ورىنداۋ جونىندەگى جول كارتاسىندا كىتاپحانالاردى شىعارماشىلىق دامۋ ورتالىقتارىنا اينالدىرۋ ارقىلى تەگىن شىعارماشىلىق ۇيىرمەلەر مەن كوۆوركينگ-ورتالىقتاردىڭ سانىن ۇلعايتۋ كوزدەلگەن. 2021-2022 جىلدار ىشىندە ازاماتتاردىڭ شىعارماشىلىق الەۋەتىن دامىتۋ ءۇشىن 30 ورتالىق اشۋ جانە جاڭعىرتۋ جوسپارلانۋدا.
«الەم قارقىندى وزگەرۋدە، سونىڭ ىشىندە قوعامنىڭ قالىپتاسۋى مەن ازاماتتاردىڭ قاجەتتىلىگى. زاماناۋي جانە جايلى كەڭىستىكتەر ءبىزدىڭ ومىرىمىزگە مىقتاپ ەنەدى. وسىعان بايلانىستى قالانىڭ اقپاراتتىق جانە مادەني ينفراقۇرىلىمىن بەلسەندى دامىتۋ، قالالىقتاردىڭ يگىلىگى ءۇشىن ماتەريالدىق-تەحنيكالىق قامتاماسىز ەتۋدى ۋاقتىلى جاقسارتۋ قاجەت!» - دەدى دەپۋتات.
جىل سايىن كىتاپحانا قورى 3 ملن-نان استام ادامعا قىزمەت كورسەتەدى جانە 3،5 مىڭنان استام ءىس-شارا وتكىزەدى. وسىنداي اۋقىمدار ءۇشىن قالانىڭ بارلىق اۋداندارىندا كىتاپحانالاردى جوسپارلى جاڭعىرتۋ باستالدى، وعان كوۆوركينگ-ورتالىقتار، ۇيىرمەلەر، كلۋبتار، شەشەندىك شەبەرلىك مەكتەپتەرى، دەباتتار جانە باسقا دا بوس ۋاقىتتى دامىتۋ بەلسەندىلىگى كىرەدى. مىسالى، وكج-دە بارلىق جاستاعى ادامدارعا ارنالعان ۇيىرمەلەردىڭ 100-دەن استام ءتۇرى جۇمىس ىستەيدى، ولارعا 10 مىڭ ازامات بارادى. "ALATAU CREATIVE HUB" جاڭا مادەني كەڭىستىگى شىعارماشىلىق اتموسفەرا، قارىم-قاتىناس جانە وقۋ ءۇشىن سەرۆيستىك قىزمەتتەر كەشەنىن ۇسىنادى.
مۇنىڭ ءبارى بۇگىندە ءبىزدىڭ ازاماتتار ءۇشىن قول جەتىمدى جانە اقىسىز.
«ءبىزدىڭ بولاشاق ۇرپاعىمىز، بالالارىمىز جاڭا فورماتتاعى كىتاپحانالارعا ءجيى بارىپ، بۇقارالىق وقۋ مادەنيەتىن، ادەبيەتتى، قازىرگى زامانعى ونەردى، سونداي-اق كرەاتيۆتى شىعارماشىلىق مادەنيەتىن دامىتا باستاعانى قۋانتادى»، - دەدى دەپۋتات شاردينوۆ.