ۇرلانعان زاتتاردى ۇيىندە جاسىرعان كۇدىكتى ۇستالدى
الماتىدا تۇرمىستىق تەحنيكا دۇكەنىنە شابۋىل جاساعان توناۋشى قاماۋعا الىندى، – دەپ حابارلايدى Polisia.kz.
جەدەل ىزدەستىرۋ ءىس-شارالارى بارىسىندا 24 جاستاعى جامبىل وبلىسىنىڭ تۇرعىنى ۇستالدى.
«ايعاقتى زات رەتىندە ۇرلانعان زاتتار، نەگىزىنەن تۇرمىستىق تەحنيكا تاركىلەندى. ءبىزدىڭ مالىمەت بويىنشا، كۇدىكتى رايىمبەك داڭعىلى بويىندا ورنالاسقان تۇرمىستىق تەحنيكا دۇكەنىن توناۋعا جانە جاپپاي تارتىپسىزدىككە قاتىسقان. بەلگىلى بولعانداي، قاسكوي ۇرلانعان زاتتاردى تۇرعىلىقتى جەرىندە جاسىرىپ، كەيىننەن ساتۋدى جوسپارلاعان. اتالعان فاكتى بويىنشا ق ر قك-نىڭ 188-بابى 3-بولىگىنىڭ 3-تارماعى بويىنشا سوتقا دەيىنگى تەرگەۋ امالدارى جۇرگىزىلۋدە. ۇستالعان ادامعا قاتىستى سوت قاماۋعا الۋ تۇرىندەگى سانكسيانى تاڭدادى»، – دەدى مەدەۋ اۋداندىق پب جانىنداعى پوليسيا ءبولىمىنىڭ باستىعى ەدىلحان بايعارايەۆ.