بۇل تۋرالى قالالىق پوليسيا دەپارتامەنتى باسشىسىنىڭ ورىنباسارى رۋستام ءابدىراحمانوۆ ءمالىم ەتتى.
جەدەل ىزدەستىرۋ شارالارىنىڭ ناتيجەسىندە الماتى قالاسى مەن الماتى، جامبىل وبلىستارىندا 145 قارۋ-جاراق تاركىلەندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەدەل ىزدەستىرۋ شارالارىنىڭ ناتيجەسىندە الماتى قالاسى مەن الماتى، جامبىل وبلىستارىندا 145 قارۋ-جاراق تاركىلەندى، ونىڭ 82ء-سى الماتى قالاسىندا ورنالاسقان قارۋ-جاراق دۇكەندەرىنەن ۇرلانعانى بەلگىلى بولدى»،- دەدى پوليسيا وكىلى.
سونىمەن قاتار، ول قارۋ قابىلداۋ اكسياسى جالعاسىپ جاتقانىن تىلگە تيەك ەتتى.
«ازاماتتارعا زاڭسىز ساقتالعان نەمەسە تابىلعان قارۋدى ءوز ەركىمەن تاپسىرۋ مۇمكىندىگى بەرىلەدى. سونىمەن قاتار، ق ر قپك-نىڭ 287 بابىنا سايكەس، قارۋ مەن وق-دارىلەردى تاپسىرعان ادامدار قىلمىستىق جاۋاپكەرشىلىكتەن بوساتىلادى»، - دەدى ول.
رۋستام ءابدىراحمانوۆ مەديسينالىق مەكەمەدە جاتقان 16 كۇدىكتىنىڭ تەرگەۋگە الىنعانىن ايتتى.
«16 ادام قازاقستان رەسپۋبليكاسى قىلمىستىق كودەكسىنىڭ 272-بابىندا كوزدەلگەن قىلمىس، ياعني جاپپاي تارتىپسىزدىككە قاتىسقانى ءۇشىن سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلگەن قىلمىستىق ءىس بويىنشا كۇدىكتى»، - دەپ ءتۇسىندىردى ول.
جوعارىدا اتالعان كۇدىكتىلەرگە قاتىستى تەرگەۋ سوتى بۇلتارتپاۋ شاراسىن سانكسيالادى.
«قاماۋ يزولياتورىنداعى جارالىلارعا بارلىق قاجەتتى مەديسينالىق كومەك كورسەتىلەدى»، - دەدى رۋستام ءابدىراحمانوۆ.