الماتىدا تۇرمەگە تىيىم سالىنعان زاتتاردى وتكىزبەك بولعاندار ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قىلمىستىق-اتقارۋ جۇيەسىنە قاراستى مەكەمەلەردەگى تۋىسقاندارى مەن جاقىندارىنا سالەمدەمە اكەلۋشىلەر ءۇشىن تىيىم سالىنعان زاتتاردى وتكىزۋگە ارەكەت جاساعاندارعا قولدانىلاتىن جازا جايلى جازباشا ەسكەرتپەلەر كورنەكى جەردە ءىلىنىپ تۇرادى. سوعان قاراماستان، سوتتالعاندار مەن تەرگەۋ تۇتقىنىنداعىلارعا تىيىم سالىنعان زاتتاردى جاسىرىن تۇردە وتكىزۋگە تىرىساتىندار كوپتەپ كەزدەسەدى.
الماتى قالاسىنداعى تەرگەۋ يزولياتورىندا 1000-نان اسا تەرگەۋ تۇتقىنىنداعىلار مەن سوت ۇكىمىنىڭ كۇشىنە ەنۋ ۋاقىتىن كۇتىپ جاتقاندار بار. زاڭعا قايشى ارەكەت جاساپ، ولارعا ەسىرتكى مەن ۇيالى تەلەفوندار جەتكىزۋگە ارەكەت جاسايتىندار دا وسى مەكەمەدە ءجيى انىقتالادى. مىسالى، جۋىردا لا-155/18 مەكەمەسىنىڭ سالەمدەمەلەردى قابىلداۋ بولمەسىندە كونفەتتىڭ ورتاسىنا وسىمدىك تەكتەس ەسىرتكى زاتىن جاسىرىپ اكەلگەن ت. ەسىمدى ادام ۇستالدى.
27 جاستاعى ازامات 8 دانا كونفەتتىڭ ورتاسىنا سالىنعان ەسىرتكىلىك زاتتى تەرگەۋ تۇتقىنىنداعى ي-عا اكەلگەن. تىيىم سالىنعان زاتتى قيتۇرقىلىق جولمەن وتكىزبەكشى بولعان ت-نىڭ الماتى وبلىسى قاسكەلەڭ قالاسىنىڭ تۇرعىنى ەكەنى انىقتالدى.
تاعى ءبىر مىسال – وسى لا-155/18 مەكەمەسىندەگى سوتتالعان م-نىڭ اتىنا ايگەرىم اتتى ازاماتشادان پوشتا ارقىلى كەلگەن سالەمدەمەدەن ەكى دانا Nokia ماركالى ۇيالى تەلەفونى تابىلدى. اياق كيىمنىڭ ۇلتانىنا جاسىرعان ۇيالى تەلەفونداردى باقىلاۋشىلار سالەمدەمەلەردى تەكسەرۋ كەزىندە انىقتادى.
تەرگەۋ يزولياتورىنداعى م. ق ر قك-نىڭ 188-بابى 4- بولىگىنىڭ 3-تارماقشاسى بويىنشا 8 جىل 11 اي مەرزىمگە سوتتالىپ، سوت ۇكىمىنىڭ زاڭدى كۇشىنە ەنۋ مەرزىمىن كۇتىپ جاتقان بولاتىن. تىيىم سالىنعان زاتتاردى وتكىزبەكشى بولعان ارەكەتتەر كەزىندە الماتى قالاسى تۇركسىب اۋداندىق پب-نان جەدەل تەرەۋ توبى شاقىرىلىپ، قۇقىق بۇزۋشىلارعا ءتيىستى جازا بەلگىلەنۋدە.