مەگاپوليستە اكىمدىك پەن كاسىپكەرلىك سۋبەكتىلەرى اراسىندا سىندارلى ديالوگ ورناعاندىعىنا الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين سەنىمدى.
وڭىرلىك كوممۋنيكاسيالار قىزمەتى الاڭىندا سويلەگەن سوزىندە سپيكەر الماتى قالاسى اكىمى جانىنداعى ىسكەرلىك كەڭەس وسى ىنتىماقتاستىقتىڭ جارقىن دالەلى بولىپ تابىلاتىنىن ايتتى، دەپ حابارلايدى Almaty-akshamy.kz
ول قولايلى بيزنەس-كليماتتى دامىتۋ ءۇشىن قۇرىلعان جانە ءارتۇرلى سالالارداعى ءىرى بيزنەس وكىلدەرىن – قارجى، بولشەك ساۋدا، ماشينا جاساۋ، قوناق ءۇي جانە مەيرامحانا سالالارىن بىرىكتىردى.
بۇگىندە ىسكەرلىك كەڭەستىڭ قۇرىلىمىندا مەگاپوليس ءۇشىن جەتى باسىم باعىت بويىنشا سەگىز سالالىق كوميتەت بار: «اقىلدى قالا»، شەتسىز قالا، باستامالارعا ارنالعان قالا، ءقاۋىپسىز قالا، «جاسىل» قالا، مادەني كرەاتيۆتى قالا، قازاقستاننىڭ ىسكەرلىك استاناسى. بيىل 30-عا جۋىق وتىرىس وتكىزىلدى.
«وتكەن جىلى پاندەميا كەزىندە الماتى اكىمى باقىتجان ساعىنتايەۆتىڭ توراعالىعىمەن ىسكەرلىك كەڭەسپەن تىعىز ءوزارا ءىس-قيمىل جاساي وتىرىپ، داعدارىسقا قارسى قولداۋ شارالارى ازىرلەندى. قولدانىستاعى مەملەكەتتىك باعدارلامالارعا ءبىرقاتار وزگەرىستەر ەنگىزىلدى – قارجىلاندىرۋدى ۇلعايتۋ، سالالىق شەكتەۋلەردى الىپ تاستاۋ، ميكرو جانە شاعىن كاسىپكەرلىكتى نەسيەلەندىرۋ ءۇشىن جاڭا باعىتتاردى ەنگىزۋ»، - دەدى ەركەبۇلان ورازالين.
سونداي-اق، «الماتى بيزنەس» وڭىرلىك باعدارلاماسىنا ءبىرقاتار وزگەرىستەر مەن تولىقتىرۋلار قابىلداندى، ونىڭ ىشىندە الاتاۋ، ناۋرىزباي، جەتىسۋ، تۇركسىب سياقتى قالانىڭ بەلسەندى ەمەس اۋداندارىندا بيزنەستى دامىتۋدى ىنتالاندىرۋ ماقساتىندا 6% رەسپۋبليكالىق بىرىزدەندىرىلگەن مولشەرلەمە اياسىندا ولارعا 5%-بەن كرەديت بەرۋ مۇمكىندىگى بەرىلدى.
بۇدان وزگە، داعدارىسقا قارسى شارالار اياسىندا «الماتى فينانس» ج ش س جانە «الماتى» مقۇ» ج ش س ەكى قارجى ينستيتۋتىنداعى سىياقى مولشەرلەمەسى جىلدىق 7%-دان 6%-عا دەيىن تومەندەتىلدى، ەڭ جوعارى سوما 300 ملن-نان 500 ملن تەڭگەگە دەيىن ۇلعايتىلدى، كەپىلسىز نەسيەلەۋ ەنگىزىلدى جانە سالالىق شەكتەۋلەر الىنىپ تاستالدى.
ەركەبۇلان ءورازاليننىڭ ايتۋىنشا، بۇگىندە ىسكەرلىك كەڭەس وكىلدەرى قالانى دامىتۋدىڭ ءىرى جوبالارى – الماتى قالاسىن دامىتۋ تۇجىرىمداماسىن، Big Apple: ۇلكەن الماتى – رەفورمالار لوكوموتيۆى جانە ت. ب. جوبالاردى ازىرلەۋگە جانە ىسكە اسىرۋعا بەلسەنە قاتىسۋدا.