الماتىدا تۇركىستاندىق سوعىس تۇتقىندارى جايلى ەڭبەكتىڭ تۇساكەسەرى ءوتتى

مونوگرافيادا گەرمانيا، پولشا جانە رەسەي ارحيۆتەرىنەن جيناقتالعان قۇجاتتىق دەرەكتەر پايدالانىلعان

2023 جىلعى 3 اقپاندا ق ر ۇلتتىق كىتاپحاناسىنىڭ ن. داۋلەتوۆا اتىنداعى زالىندا تاريح عىلىمدارىنىڭ دوكتورى، پروفەسسور كوكەبايەۆا گۇلجاۋحار كاكەن قىزىنىڭ «تالقىعا تۇسكەن تاعدىر: تۇركىستاندىق سوعىس تۇتقىندارى» اتتى مونوگرافياسىنىڭ تۇساۋكەسەرى ءوتتى، دەپ حابارلايدى Almaty-akshamy.kz.
⠀
ءىس-شارانىڭ مودەراتورى - ش.ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ ورىنباسارى، تاريح عىلىمدارىنىڭ كانديداتى تىلەۋبايەۆ شامەك بايان ۇلى.
⠀
شارانى ق ر ۇلتتىق كىتاپحاناسى ديرەكتورىنىڭ اقپاراتتىق تەحنولوگيالار جانە يننوۆاسيالار جوندەگى ورىنباسارى يسكالييەۆا نۇريا امانعالي قىزى قۇتتىقتاۋ سوزبەن اشتى.
⠀
تاريح عىلىمدارىنىڭ دوكتورى، پروفەسسور گۇلجاۋحار كاكەن قىزى بۇل ەڭبەكتىڭ گەرمانيانىڭ تۇركىستانعا قاتىستى ساياساتىن تالداۋعا جانە تۇركىستاندىق سوعىس تۇتقىندارىنىڭ تاعدىرىن انىقتاۋعا ارنالعان العاشقى كەشەندى زەرتتەۋىنىڭ ناتيجەسى ەكەنىن اتاپ ءوتتى. مونوگرافيادا گەرمانيا، پولشا جانە رەسەي ارحيۆتەرىنەن جيناقتالعان قۇجاتتىق دەرەكتەر پايدالانىلعان. ارحيۆتىك قۇجاتتاردىڭ باسىم بولىگى عىلىمي اينالىمعا العاش رەت ەنگىزىلىپ وتىر.
⠀
جيىن بارىسىندا ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس عىلىمي قىزمەتكەرى، تاريح عىلىمدارىنىڭ كانديداتى الداجۇمانوۆ قايدار سەيسەمبايەۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ «ايتىلعان تاريح» عىلىمي ورتالىعىنىڭ ديرەكتورى، ق ر ۇعا اكادەميگى، تاريح عىلىمدارىنىڭ دوكتورى، پروفەسسور قويگەلدييەۆ مامبەت قۇلجاباي ۇلى، ءال-فارابي اتىنداعى قازاق ۇلتتىق ۋنيۆەرسيتەتى تاريح فاكۋلتەتىنىڭ دەكانى، تاريح عىلىمدارىنىڭ دوكتورى، پروفەسسور بايعوناقوۆ دوسبول سۇلەيمەن ۇلى، قازاقستان رەسپۋبليكاسى ورتالىق مەملەكەتتىك ءارحيۆىنىڭ ديرەكتورى، تاريح عىلىمدارىنىڭ كانديداتى شىلدەباي ءسابيت قامىتبەك ۇلى؛ ءال-فارابي اتىنداعى قازاق ۇلتتىق ۋنيۆەرسيتەتى دۇنيەجۇزى تاريحى، تاريحناما جانە دەرەكتانۋ كافەدراسىنىڭ مەڭگەرۋشىسى، تاريح عىلىمدارىنىڭ كانديداتى، پروفەسسور مىرزابەكوۆا رىسكەلدى سالامات قىزى، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ دوكتورانتى ستامشالوۆ ەركىن يمانعازى ۇلى ءسوز سويلەدى.
⠀
ءىس-شاراعا زيالى قاۋىم وكىلدەرى، مەملەكەت جانە قوعام قايراتكەرلەرى، عالىمدار، كىتاپحانا وقىرماندارى مەن ستۋدەنتتەر قاتىستى.