وسى جىلدان باستاپ وتاندىق عىلىمنىڭ دامۋىنداعى جاڭا كەزەڭ باستالادى.
بۇگىن الماتى قالاسىندا اتاۋلى سىيلىقتاردىڭ، ۇزدىك عىلىمي قىزمەتكەر سىيلىقتارىنىڭ جانە 2022 جىلعى مەملەكەتتىك عىلىمي ستيپەنديالاردىڭ يەگەرلەرىن ماراپاتتاۋ ءراسىمى ءوتتى. ق ر عىلىم جانە جوعارى ءبىلىم ءمينيسترى ساياسات نۇربەك سىيلىقتار مەن ستيپەنديالار لاۋرەاتتارىنا ديپلومدار، توسبەلگىلەر مەن سەرتيفيكاتتاردى تابىس ەتتى، دەپ حابارلايدى Almaty-akshamy.kz.
سىيلىقتار مەن مەملەكەتتىك عىلىمي ستيپەنديالار كونكۋرسىنىڭ قورىتىندىسى بويىنشا 35 جاسقا دەيىنگى 50 جاس تالانتتى عالىم جانە 25 جەتەكشى عالىم مەملەكەتتىك عىلىمي ستيپەنديالاردى، 2022 جىلعى 50 ۇزدىك عىلىمي قىزمەتكەر سىيلىقتارىن الدى جانە عىلىم سالاسىنداعى 6 اتاۋلى سىيلىق (ق.ي. ساتبايەۆ، ش.ش. ءۋاليحانوۆ، كۇلتەگىن، ى. التىنسارين، م.و. اۋەزوۆ، د.ا. قونايەۆ اتىنداعى) تاعايىندالدى. بايقاۋ جەڭىمپازدارىنا اقشالاي سىياقىلار دا بەرىلەدى.
«مەملەكەت باسشىسىنىڭ تاپسىرماسى بويىنشا عىلىم جانە جوعارى ءبىلىم مينيسترلىگى عالىمدار مەن عىلىمي ۇيىمداردىڭ، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قىزمەتكەرلەرىن جان-جاقتى قولداۋ ماسەلەلەرىنە نازار اۋدارادى. وسى جىلدان باستاپ وتاندىق عىلىمنىڭ دامۋىنداعى جاڭا كەزەڭ باستالادى. ءبىزدىڭ 1200-گە جۋىق عالىم گرانتتاردى جەڭىپ العانىنا نەمەسە الماعانىنا قاراماستان جالاقى الاتىن بولادى. كەپىلدەندىرىلگەن قارجىلاندىرۋ ۇزدىكسىز زەرتتەۋلەر جۇرگىزۋگە مۇمكىندىك بەرەدى. سونداي-اق، ءبىز گرانتتىق جانە ماقساتتى قارجىلاندىرۋ تەتىكتەرىن وزگەرتتىك. سوڭعى جىلدارى عىلىمدى قارجىلاندىرۋ ەكى ەسەگە جۋىق ءوستى. ءبىز ءۇشىن بارلىق راسىمدەردىڭ اشىقتىعى مەن اشىقتىعىن قامتاماسىز ەتۋ ماڭىزدى. قۇرمەتتى عالىمدار، سىزدەرگە عىلىمنىڭ دامۋىنا قوسقان ۇلەسى ءۇشىن العىس ايتا وتىرىپ، جەڭىسپەن قۇتتىقتايمىن. ساتتىلىك!» – دەدى سالتاناتتى سوزىندە ق ر عىلىم جانە جوعارى ءبىلىم ءمينيسترى ساياسات نۇربەك.
مينيستر پرەزيدەنتتىڭ عىلىم سالاسىنداعى قولداۋىنىڭ ارقاسىندا وڭ وزگەرىستەر بولىپ جاتقانىن، ونىڭ ىشىندە زاڭنامانىڭ جەتىلدىرۋىن، قارجىلاندىرۋدىڭ ەكى ەسەگە جۋىق ءوسۋىن اتاپ ءوتتى. جاس عالىمدارعا ايتارلىقتاي قولداۋ كورسەتىلەدى، عزي ماتەريالدىق-تەحنيكالىق بازاسى جاڭعىرتىلادى، عالىمدار جەتەكشى عىلىمي ورتالىقتارعا تاعىلىمدامادان وتۋگە جىبەرىلەدى، عىلىمدى دەبيۋروكراتيالاندىرۋ پروسەسى ءجۇرىپ جاتىر.
اتاپ وتسەك، بايقاۋدىڭ اشىقتىعى ارنايى قۇرىلعان اقپاراتتىق پلاتفورما ارقىلى قامتاماسىز ەتىلدى. كوميسسيا قۇرامىنا جەتەكشى عالىمدار، ساراپشىلار، عىلىم اكادەميالارىنىڭ، جاس عالىمدار كەڭەسىنىڭ، جاس عالىمدار اليانسىنىڭ جانە باسقا دا عىلىمي ۇيىمداردىڭ وكىلدەرى كىردى.