الماتىدا 2025 جىلى 27-28 قىركۇيەكتە تۇركىستان وبلىسى تاۋار وندىرۋشىلەرى قاتىساتىن كەڭەيتىلگەن اۋىل شارۋاشىلىعى جارمەڭكەسى ءوتىپ جاتىر.
ءىس-شارا «بەرەكە Fest» رەسپۋبليكالىق باستاماسى اياسىندا ۇيىمداستىرىلدى.
«بەرەكە Fest» ءبىرىنشى قاجەتتىلىكتەگى ازىق-تۇلىك باعاسىن تۇراقتاندىرۋعا، وتاندىق وندىرۋشىلەردى قولداۋعا جانە قازاقستاندىق اۋىل شارۋاشىلىعى ونىمدەرىن تۇتىنۋدى ىنتالاندىرۋعا باعىتتالعان.
جارمەڭكە جوبانىڭ باستى ءىس-شارالارىنىڭ بىرىنە اينالدى. الماتى تۇرعىندارى مەن قوناقتارى ساپالى ءارى بالعىن ونىمدەردى وندىرۋشىلەردەن تىكەلەي قولجەتىمدى باعامەن ساتىپ الا الادى.
جارمەڭكەگە تۇركىستان وبلىسىنىڭ 16 اۋدانى مەن تۇركىستان قالاسى قاتىسىپ جاتىر. قالا تۇرعىندارىنا 50-دەن استام ءونىم ءتۇرى، اتاپ ايتقاندا ەت-سۇت ونىمدەرى، كوكونىس-جەمىس، شۇجىق ونىمدەرى، ۇن، جارما، وسىمدىك جانە مالدىڭ مايى جانە باسقا دا تاۋارلار ۇسىنىلدى.
جالپى ءونىم كولەمى شامامەن 500 توننا، ونىڭ ىشىندە: ەت ونىمدەرى – 100 توننا، كوكونىس-جەمىس ونىمدەرى – 250 توننا، ءسۇت ونىمدەرى – 30 توننا، باسقا ونىمدەر – 120 توننا.
جارمەڭكە ساعات 8:00-دەن 17:00-گە دەيىن قازىبەك بي كوشەسىندە، ابىلاي حان داڭعىلىنان پانفيلوۆ كوشەسىنە دەيىنگى ارالىقتا وتەدى.