ق ر تۋريزم جانە سپورت مينيسترلىگىنىڭ مالىمەتىنشە، 2024 جىلى تۋريزم سالاسى تۇراقتى ءوسىم كورسەتتى. ىشكى تۋريستەر سانى 10،5 ملن ادامدى قۇراپ، 2023 جىلمەن سالىستىرعاندا 900 مىڭعا ارتتى، دەپ حابارلايدى aqshamnews.kz Ortcom.kz-كە سىلتەمە جاساپ.
تۋريزم جانە سپورت مينيسترلىگىنىڭ باسشىلىعى ۇسىنعان نەگىزگى باستامالاردىڭ ءبىرى – وبلىس اكىمدىكتەرىنە ەلدى مەكەندەردەن تىس جەرلەردە، ونىڭ ىشىندە ۇلتتىق پاركتەر اۋماعىندا تۋريستىك ينفراقۇرىلىم سالۋ بويىنشا وكىلەتتىكتەر بەرۋ. قازىرگى ۋاقىتتا زاڭناماعا قاجەتتى تۇزەتۋلەر پارلامەنتتە قارالۋدا.
«مۇنداي قادام نەگىزگى تۋريستىك دەستيناسيالاردىڭ ينفراقۇرىلىمىن دامىتۋدى قامتاماسىز ەتەدى. تۋريستىك دەستيناسيالاردا ينفراقۇرىلىم قۇرىلىسىن قارجىلاندىرۋعا باعىتتالعان جەكە بيۋدجەتتىك باعدارلاما ازىرلەنەتىن بولادى. بۇل رەتتە، وڭىرلەردە ءتۋريزمدى دامىتۋعا باسىمدىق بەرۋ ءۇشىن جاڭا قۇزىرەتپەن قاتار جەكە تۋريزم باسقارمالارىن قۇرۋ ماسەلەسىن قاراستىرۋ قاجەت. ءقازىر تەك بەس وڭىردە جەكە باسقارما بار، تاعى ەكى وڭىرمەن پىسىقتالىپ جاتىر»، — دەپ اتاپ ءوتتى تۋريزم جانە سپورت ءمينيسترى ەربول مىرزابوسىنوۆ.