وكق باسپاسوز-كونفەرەنسياسى بارىسىندا الماتى قالاسى اكىمىنىڭ ورىنباسارى الىشەر ءابدىقادىروۆ مەگاپوليستە جاسىل جەلەكتەردى وتىرعىزۋ جانە اباتتاندىرۋ جۇمىستارى جالعاسىپ جاتقانىن ايتتى.
ماسەلەن، 2023 جىلى مەگاپوليستىڭ جاسىل جەلەكتەرىنىڭ اۋدانى ادام باسىنا 12 شارشى مەترگە دەيىن ۇلعايتىلدى، دەپ حابارلايدى Almaty-akshamy.kz.
قالانى كوگالداندىرۋ ءۇشىن وسى جىلدىڭ باسىنان باستاپ 180 مىڭ اعاش جانە 60 مىڭ بۇتا وتىرعىزىلدى. سانيتارلىق ماقساتتا 13،1 مىڭ اعاش كەسىلىپ، 2،3 ملن. اعاش وڭدەلدى. اۆتو سۋارۋمەن قامتۋ 4،4 ەسەگە ارتىپ، 587 گەكتارعا جەتتى.
باسپاسوز-كونفەرەنسياسى بارىسىندا ايتىلعانداي، جاسىل جەلەكتەردى كۇتىپ-ۇستاۋ جانە قورعاۋ جونىندەگى جاڭا ەرەجەلەرگە سايكەس، 2023 جىلدان باستاپ سۋارۋ جۇيەسى جۇرگىزىلگەننەن كەيىن 2-2،5 م كەم بولمايتىن كوشەت وتىرعىزۋدى كوزدەيتىن جاڭا ءتاسىل قولدانىلدى.
«جاڭا ەرەجەلەر بويىنشا جاسىل جەلەكتەردى بيو وڭدەۋ ەنگىزىلدى جانە سانيتارلىق جانە قالىپتاپ وڭدەۋگە ءبىرىڭعاي تالاپتار ازىرلەندى»، - دەپ اتاپ ءوتتى ءا. ءابدىقادىروۆ.
سونىمەن قاتار، ساياباقتار مەن پارك اۋماقتارى جاڭارتىلۋدا. وسىلايشا، اباتتاندىرۋ اياسىندا التى ساياباقتى (وقۋشىلار سارايى، قبتۋ، بايسەيىتوۆا كوشەسى، اۋەجاي داڭقى، جەلتوقسان ساياباعى، كوكمايسا شاعىن اۋدانىنداعى ساياباق) قايتا جاڭارتۋ اياقتالدى. جىل باسىنان بەرى ساياباق اۋماقتارىنىڭ اۋدانى 712-دەن 977 گەكتارعا دەيىن كەڭەيتىلدى.
الماتىدا بارلىعى 153 ساياباق پەن سكۆەر، 355 جاياۋ جۇرگىنشىدەر جانە جاسىل ايماق، 23 بۋلۆار جانە 11 جاعالاۋ بار.