ەرجان باباقۇماروۆ الماتىدا تۇرىك كينوسى اپتالىعىنىڭ اشىلۋ راسىمىنە قاتىستى
27 قازاندا الماتى قالاسى اكىمىنىڭ ورىنباسارى ەرجان باباقۇماروۆ پەن تۇركيا رەسپۋبليكاسى مادەنيەت جانە تۋريزم ءمينيسترىنىڭ ورىنباسارى ميسباح احمەت قازاقستان رەسپۋبليكاسى تاۋەلسىزدىگىنىڭ 30 جىلدىعى مەن تۇركيا رەسپۋبليكاسىنىڭ 98 جىلدىعىنا ارنالعان تۇرىك فيلمدەرى اپتالىعىنىڭ اشىلۋ راسىمىنە قاتىستى، دەپ حابارلايدى almaty-akshamy.kz
الماتىدا مۇنداي ءىس-شارا التىنشى رەت وتكىزىلىپ وتىر. بيىل الماتىلىق كورەرمەندەرگە «ارمان» كينوتەاترىندا 31 قازانعا دەيىن ءبىرقاتار تۇرىك فيلمدەرى ۇسىنىلادى ءارى بارلىعى تەگىن كورسەتىلەدى.
ايتا كەتەرلىگى، تۇركيا قازاقستان رەسپۋبليكاسىنىڭ تاۋەلسىزدىگىن تانىعان العاشقى ەل بولدى. بۇگىندە قازاقستان مەن تۇركيا اراسىنداعى ستراتەگيالىق ارىپتەستىك تۋرالى كەلىسىمشارت قولدانىستا.
تۇركى حالىقتارىنىڭ ەرەكشە باۋىرلاستىق قاتىناستارى اياسىندا ەلدەردە مادەني شارالار بەلسەندى تۇردە وتكىزىلىپ كەلەدى. ءوز كەزەگىندە كينو ونەرى ەكى ەلدىڭ ورتاق مادەني-گۋمانيتارلىق قۇندىلىقتارىن ىلگەرىلەتۋدە ايرىقشا ورىن الادى. فەستيۆال تۇجىرىمداماسى مادەنيەت پەن تاريحقا نازار اۋدارۋدان، ەكى ەل حالىقتارى اراسىنداعى ءوزارا تۇسىنىستىكتى قالىپتاستىرۋدان تۇرادى.