ەلىمىزدە «زىمىران-2021» كوماندالىق-شتابتىق وقۋ-جاتتىعۋ باستالدى، دەپ حابارلايدى almaty-akshamy.kz تجم باسپا ءسوز قىزمەتىنە سىلتەمە جاساپ.
28 قازاندا ەلىمىزدە «بايقوڭىر» عارىش ايلاعىنان ۇشىرۋ كەزىندە زىمىران-تاسىعىشتاردىڭ اۆارياسىمەن بايلانىستى توتەنشە جاعدايلار تۋىنداعان كەزدە ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىنىڭ كۇشتەرى مەن قۇرالدارىنىڭ ءىس-قيمىلعا دايىندىعى» تاقىرىبىندا «زىمىران-2021» رەسپۋبليكالىق كوماندالىق-شتابتىق وقۋ-جاتتىعۋى باستالدى.
وقۋ-جاتتىعۋدى ۇيلەستىرۋ جانە باسشىلىق ەتۋ جونىندەگى شتاب جەزقازعان قالاسىندا ورنالاسقان. وقۋ-جاتتىعۋدىڭ باسشىسى - قازاقستان رەسپۋبليكاسى توتەنشە جاعدايلار ءمينيسترىنىڭ مىندەتىن اتقارۋشى پولكوۆنيك مارات كۇلدىكوۆ.
وقۋ-جاتتىعۋ ازاماتتىق قورعاۋ كۇشتەرى مەن قۇرالدارىن باسقارۋ ورگاندارىن ازىرلىككە كەلتىرۋ تۋرالى دابىلدى جەتكىزۋدەن باستالدى. ازاماتتىق قورعاۋ قىزمەتتەرى مەن جەرگىلىكتى اتقارۋشى ورگاندار ءاربىر ءوڭىر ءۇشىن جەكە ايقىندالعان ءتيىستى كىرىسپە بويىنشا ءىس-شارالاردى پىسىقتادى.
وقۋ-جاتتىعۋ شەڭبەرىندە زىمىران بولىكتەرىنىڭ اۆاريالىق قۇلاۋ سالدارىن جويۋ، حالىقتى جاقىن ەلدى مەكەندەردەن ەۆاكۋاسيالاۋ، اۋىل شارۋاشىلىعى جانە ءۇي جانۋارلارىن ديسپانسەرلەۋ، گەپتيلدى دەتوكسيكاسيالاۋ، بۇلىنگەن جەر ۋچاسكەلەرىن رەكۋلتيۆاسيالاۋ بويىنشا ءبىرىنشى كەزەكتەگى ءىس-شارالاردى وتكىزۋ ماسەلەلەرى پىسىقتالدى.
كوماندالىق-شتابتىق وقۋ-جاتتىعۋ اقمولا، اقتوبە، شىعىس قازاقستان، قاراعاندى، قوستاناي، قىزىلوردا، پاۆلودار، سولتۇستىك قازاقستان وبلىستارىنىڭ، نۇر-سۇلتان قالاسىنىڭ اۋماعىندا وتۋدە. وعان بارلىق دەڭگەيدەگى ازاماتتىق قورعاۋ قىزمەتتەرى، ق ر تجم بولىمشەلەرى، جەرگىلىكتى اتقارۋشى ورگاندار، «روسكوسموس» مك تارتىلعان.
وقۋ-جاتتىعۋ «بايقوڭىر» عارىش ايلاعىنان زىمىرانداردى ۇشىرۋ كەزىندە اۆاريالار تۋىنداعان جاعدايدا ازاماتتىق قورعاۋدىڭ مەملەكەتتىك جۇيەسىنىڭ ۇيىمداستىرىلۋىن جەتىلدىرۋ، سونداي-اق باسقارۋ ورگاندارىن، كۇشتەرى مەن قۇرالدارىن دايارلاۋ ماقساتىندا قازاقستان رەسپۋبليكاسىنىڭ ۇكىمەتى مەن رەسەي فەدەراسياسىنىڭ ۇكىمەتى اراسىنداعى ءوزارا ءىس-قيمىل ءتارتىبى تۋرالى كەلىسىمگە سايكەس جۇرگىزىلەدى.