تۇرعىت ءوزال كوشەسىنىڭ ءبىر ۋچاسكەسىنە ورتاشا جوندەۋ جۇرگىزۋگە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى.
22 تامىز ساعات 23:00-دەن 24 تامىز ساعات 07:00-گە دەيىن رايىمبەك داڭعىلىنان تولە بي كوشەسىنە دەيىنگى ۋچاسكەدە قوزعالىس جابىلادى. بۇل اۋماقتى تۇركەبايەۆ پەن يسلام كارىموۆ كوشەلەرى ارقىلى اينالىپ وتۋگە بولادى، دەپ حابارلايدى aqshamnews.kz.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى. مارشرۋتىڭىزدى الدىن الا جوسپارلاپ الۋىڭىزدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.