بۇگىن دۋشانبەدە قازاقستاننىڭ تاجىكستانداعى مادەنيەت كۇندەرى اياسىندا قازاقتىڭ ۇلى اقىنى اباي قۇنانبايەۆتىڭ ءبيۋستى سالتاناتتى تۇردە اشىلدى.
تاۋ تۇلعاعا ارنالعان ەسكەرتكىش دۋشانبەدەگى ءابىلقاسىم فيرداۋسي اتىنداعى مادەنيەت جانە دەمالىس ساياباعىندا ورناتىلعان، دەپ حابارلايدى aqshamnews.kz
اشىلۋ راسىمىنە قاتىسقان مادەنيەت جانە اقپارات ءمينيسترى ايدا بالايەۆا بۇل شارا ەكى حالىقتىڭ ىنتىماقتاستىعىن ارتتىرا تۇسەتىنىن ايتتى.
«بۇگىندە قازاقستان مەن تاجىكستاندى مەملەكەت باسشىلارىنىڭ دوستىق پەن ءوزارا سەنىمگە نەگىزدەلگەن كۇش-جىگەرى عانا بىرىكتىرىپ وتىرعان جوق. تاجىكستان استاناسى دا قازاق حالقىنىڭ داڭقتى پەرزەنتىنىڭ تۇلعاسى تۇعىرعا قونعان الەم استانالارىنىڭ بىرىنە اينالادى. باستىسى، بۇل قادام ەكى ەل ومىرىندەگى ماڭىزدى وقيعا بولۋىمەن قاتار، قوس حالىقتى جاقىنداستىرا تۇسەتىن رۋحاني جانە مادەني بايلانىستارعا تىڭ سەرپىن بەرەرى ءسوزسىز»، - دەدى ايدا بالايەۆا.