الماتىدا تۇرعىن ءۇي ساتىپ العاننان كەيىن كوممۋنالدىق قىزمەتتى تەز ءارى ىڭعايلى راسىمدەۋگە مۇمكىندىك بەرەتىن جاڭا سيفرلىق شەشىمدەر ەنگىزىلدى، - دەپ حابارلايدى aqshamnews.kz.
ەندى كەڭسەلەرگە بارۋدىڭ نەمەسە كەزەكتە تۇرۋدىڭ قاجەتى جوق، وپەراسيالاردىڭ باسىم بولىگى ialma.kz پورتالى ارقىلى ونلاين ورىندالادى.
جاڭا مەنشىك يەلەرى ءجيى كەزدەسەتىن جاعداي — تۇبىرتەكتەردىڭ بۇرىنعى يەنىڭ اتىنا كەلۋى. دەرەكتەردى وزگەرتۋ، شارتتاردى راسىمدەۋ نەمەسە تىركەلگەن تۇرعىندار سانىن جاڭارتۋ ءۇشىن سيفرلىق سەرۆيستەردى قولدانۋ جەتكىلىكتى.
قالاي جۇمىس ىستەيدى:
1. ialma.kz پورتالىندا تىركەلىپ، تەلەفون ءنومىرىڭىزدى راستاڭىز.
2. جەكە كابينەتكە تۇرعىن ءۇيدى قوسىڭىز: جەكە ەسەپشوت ءنومىرىن ەنگىزىپ، مەنشىك قۇقىعىن راستاڭىز.
3. قاجەتتى قىزمەت ءتۇرىن تاڭداڭىز — تۇبىرتەكتەگى دەرەكتەردى وزگەرتۋ، جاڭا مەنشىك يەسىنىڭ اتىنا راسىمدەۋ، تىركەلگەن تۇرعىندار سانىن جاڭارتۋ جانە باسقا قىزمەتتەر.
4. قاجەتتى قۇجاتتاردى تىركەپ، ونلاين ءوتىنىم جىبەرىڭىز.
5. ءوتىنىم مارتەبەسىن جەكە كابينەتتەن باقىلاپ، SMS ارقىلى حابارلامالاردى الىڭىز.
پورتالدا جەكە جانە زاڭدى تۇلعالار ءۇشىن سۋمەن جابدىقتاۋ، جىلۋ جانە ەلەكترمەن قامتاماسىز ەتۋ بويىنشا 60-تان استام قىزمەت كورسەتىلەدى. بارلىق وپەراسيا بىرنەشە رەت باسۋ ارقىلى ورىندالادى، كەڭسەگە بارۋدىڭ قاجەتى جوق.
ialma.kz پورتالى الماتى قالاسىنىڭ كوممۋنالدىق قىزمەتتىن راسىمدەۋ ۇدەرىستەرىن جەڭىلدەتۋ جانە قىزمەتتىڭ قولجەتىمدىلىگىن ارتتىرۋ ماقساتىندا ازىرلەنگەن.