16 قاڭتاردا تۇندە المالى اۋدانى سايران كولىنىڭ ماڭىندا ورنالاسقان «جايلى» تۇرعىن ءۇي كەشەنىنىڭ اۋماعىندا جىلۋ قۇبىرى جارىلدى.
سالدارىنان بىرنەشە كوپ قاباتتى ءۇي ۋاقىتشا جىلۋسىز قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق كوممۋنالدىق قىزمەت وكىلىنىڭ ايتۋىنشا، جارىلعان جىلۋ قۇبىرى تۇرعىن ءۇي كەشەنىنىڭ بالانسىندا.
«تاڭعى ساعات 3 پەن 4ء-تىڭ اراسىندا ىشكى ۋچاسكەدە جىلۋ قۇبىرى جارىلدى. ءبىزدىڭ ماماندار اپات ورنىنا بارىپ، ونى قالپىنا كەلتىرۋگە كومەكتەستى. تاڭعى ساعات 8-گە قاراي ۇيلەرگە جىلۋ بەرىلدى. زارداپ شەككەندەر تۋرالى اقپارات تۇسكەن جوق»، - دەدى الماتى قالاسى جىلۋ ەنەرگو كەشەنى جانە تكش رەسمي وكىلى يان گيرين.
ونىڭ ايتۋىنشا، قۇبىر 2003 جىلى پايدالانۋعا بەرىلگەن. ونىڭ ديامەترى - 150 سانتيمەتر.