الماتىدا 12 مەن 14 قىركۇيەك ارالىعىنداعى تۇنگى ۋاقىتتا جاندوسوۆ كوشەسىندە قۇبىر جەلىسىن جۇرگىزۋ جۇمىستارىنا بايلانىستى قوزعالىس شەكتەلەدى، - دەپ حابارلايدى Aqshamnews.kz.
الماتىدا 12 قىركۇيەك ساعات 23:00-دەن باستاپ 14 قىركۇيەك ساعات 05:00-گە دەيىن جاندوسوۆ كوشەسىندە قۇبىر مەن كارىز جۇيەسىن جۇرگىزۋگە بايلانىستى اۆتوكولىك قوزعالىسى ۋاقىتشا شەكتەلەدى. بۇل تۋرالى قالالىق ەنەرگەتيكا جانە سۋ شارۋاشىلىعى باسقارماسى حابارلادى.
قوزعالىس تومەندەگى ۋچاسكەلەردە شەكتەلەدى:
• جاندوسوۆ – داۋلەتكەرەي كوشەلەرىنىڭ قيىلىسى (400 مم قۇبىر جەلىسى، 1000 مم قاپتاما ديامەترى)؛
• جاندوسوۆ – داۋلەتكەرەي كوشەلەرىنىڭ قيىلىسى (325 مم قۇبىر جەلىسى، 1000 مم قاپتاما ديامەترى)؛
• جاندوسوۆ – ايمانوۆ كوشەلەرىنىڭ قيىلىسى (325 مم قۇبىر جەلىسى، 1000 مم قاپتاما ديامەترى)؛
• جاندوسوۆ – بەكەشيەۆ كوشەلەرىنىڭ قيىلىسى (325 مم قۇبىر جەلىسى، 1000 مم قاپتاما ديامەترى).
بۇل اۋماقتار ەكى ءىرى ينفراقۇرىلىمدىق جوبانى جۇزەگە اسىرۋعا بايلانىستى شەكتەلىپ وتىر:
1. «الماتى قالاسىندا باتىس كارىز كوللەكتورىن سالۋ» – جالپى ۇزىندىعى 34،9 شاقىرىمدىق ماگيسترالدى كارىز كوللەكتورى سالىنادى. جوبا ناۋرىزباي جانە الاتاۋ اۋداندارىنىڭ 175 مىڭنان استام تۇرعىنىن، سونداي-اق الماتى وبلىسىنىڭ قاراساي جانە ىلە اۋداندارىنىڭ شامامەن 20 مىڭ تۇرعىنىن ورتالىقتاندىرىلعان سۋ بۇرۋ جۇيەسىنە قوسۋعا مۇمكىندىك بەرەدى.
2. «ناۋرىزباي اۋدانى اقجار شاعىناۋدانىندا سۋ جانە كارىز جەلىلەرىن سالۋ» – اۋماقتىڭ ينجەنەرلىك ينفراقۇرىلىمىن جاقسارتۋعا، اۋىز سۋ بەرۋدى تۇراقتاندىرۋعا جانە كارىز جۇيەسىنىڭ ۇزدىكسىز جۇمىسىن قامتاماسىز ەتۋگە باعىتتالعان.
قالا تۇرعىندارى مەن قوناقتارىنان ساپارىن الدىن الا جوسپارلاپ، بالامالى باعىتتاردى تاڭداۋدى سۇرايمىز. ۋاقىتشا قولايسىزدىق ءۇشىن كەشىرىم سۇرايمىز جانە تۇسىنىستىك تانىتقاندارىڭىزعا العىس بىلدىرەمىز.
ەسكە سالامىز، قوزعالىسقا قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرىنىڭ الەۋمەتتىك جەلىلەرىندە، سونداي-اق، 2GIS جانە ياندەكس كارتالارى سەرۆيستەرىندە جاريالانادى.