الماتىدا تۇنگى كلۋبتىڭ بارمەنى ەسىرتكىمەن ۇستالدى

ول قاماۋعا الىندى.

ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى پوليسيانىڭ ارنايى جاساعىنىڭ كومەگىمەن ارنايى ءىس-شارانى جۇرگىزدى، دەپ حابارلايدى Almaty-akshamy.kz

قالالىق مەكەمەلەردىڭ بىرىندە بارمەن بولىپ جۇمىس ىستەيتىن 28 جاستاعى د.ەسىمدى ازامات ۇستالدى.

"جەدەل مالىمەتتەرگە سايكەس، كۇدىكتى ءوز جۇمىس ورنىندا ەسىرتكى ساتۋمەن اينالىسقان. ونىڭ قىلمىستىق ارەكەتتەرى رەسمي تۇردە قۇجاتتالعان: قاماۋعا الىنار الدىندا ول "كليەنتكە" سينتەتيكالىق ەسىرتكىنىڭ دوزاسىن ساتقان. ۇستاۋ بارىسىندا كۇدىكتىدەن اق ءتۇستى، ەرەكشە ءيىستى، ۇنتاقتى زاتى بار بايلام تابىلدى جانە تاركىلەندى. سوت-حيميالىق ساراپتاما تاعايىندالدى. اتالعان دەرەك بويىنشا مەدەۋ اۋداندىق پب-دا ق ر قك-نىڭ 297-بابى 1-بولىگىنە سايكەس سوتقا دەيىنگى تەرگەۋ امالدارى جۇرگىزىلىپ جاتىر. ەسىرتكى ساتۋشى قاماۋعا الىندى"، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.

ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.