وقۋشىلار اراسىندا "JasSkills 2023" قالالىق كاسىبي شەبەرلىك چەمپيوناتى وتەدى
الماتىدا "كاسىپتىك ءبىلىم: تابىسقا جەتۋ جولى" اتتى قالالىق جۇمىسشى ماماندىعى فەستيۆالى باستالدى. قالانىڭ 12 000 وقۋشىسى مەن 700 كوللەدج ستۋدەنتى 10 كۇن ىشىندە ءتۇرلى بايقاۋلارعا قاتىسىپ، ماماندىقتار الەمىنە كەڭىنەن بويلايدى. فەستيۆال سوڭىندا ءىس-شارانىڭ ءتۇپقازىعى بولىپ تابىلاتىن "WorldSkills Almaty 2023" VIII وڭىرلىك چەمپيونات وتەدى، دەپ حابارلايدى Almaty-akshamy.kz.
فەستيۆالدىڭ ماقساتى – الماتى قالاسىنىڭ تەحنيكالىق جانە كاسىپتىك ءبىلىم بەرۋ جۇيەسىنىڭ پوزيسيالارىن كاسىپتىك باعدار بەرۋ جانە جۇمىسشى جانە ورتا بۋىن ماماندىعىن ناسيحاتتاۋ. ءىس-شارالار 2023 جىلعى 8 ساۋىرگە دەيىن جالعاسادى.
بۇگىن مەكتەپ وقۋشىلارى مەن كوللەدج ستۋدەنتتەرى اراسىندا "تجكب بەدەلى"تاقىرىبىندا پىكىرسايىس ءوتتى. پىكىرسايىس ءتۋرنيرىنىڭ تاقىرىبى - "تەحنيكالىق جانە كاسىپتىك ءبىلىم بەرۋدىڭ بەدەلى". تۋرنيرگە ءۇش ليگا ەندى: قازاق، ورىس جانە اعىلشىن. الماتى قالاسىنىڭ ءار اۋدانىنان ءار ليگاعا ءبىر كوماندا جاساقتالدى. بارلىعى قالانىڭ سەگىز اۋدانىنان 160 وقۋشى قاتىستى.
باعدارلامادا باسقا دا ءىس-شارالار قامتىلدى. وقۋشىلار قالاداعى تىگىن فابريكالارى، وندىرىستىك جانە جيھاز كومپانيالارى، كينوستۋديالار، تاماقتانۋ جانە وسىمدىك شارۋاشىلىعى سالاسىنداعى ۇيىمدار، ت.ب. بازالارىنا ەكسكۋرسيالار جاسادى.
سونداي-اق، 29 ناۋرىزدا 9-سىنىپ وقۋشىلارى اراسىندا العاشقى "JasSkills 2023" قالالىق كاسىبي شەبەرلىك چەمپيوناتى وتەدى. بايقاۋ WorldSkills Kazakhstan ۇلتتىق چەمپيوناتىنىڭ ەرەجەلەرىنە سايكەس اۋداندىق چەمپيوناتتىڭ سەگىز جەڭىمپازى اراسىندا ون قۇزىرەتتىلىك بويىنشا وتەدى.
وقۋشىلاردى عىلىمي-زەرتتەۋ قىزمەتىنە تارتۋ جانە ەرتە كاسىپتىك باعدار بەرۋ ماقساتىندا 30 ساۋىردە 9-سىنىپ وقۋشىلارىنا ارنالعان "بولاشاق ءبىز ءۇشىن" عىلىمي جوبالار كونكۋرسى كولىك تەحنيكاسى، ەنەرگەتيكا، قۇرىلىس، سەرۆيستىك قىزمەت كورسەتۋ، ت.ب. ماماندىقتارى بويىنشا وتەدى.
سپورتتىق باعىتتا 31 ناۋرىزدا 9-سىنىپ وقۋشىلارى اراسىندا شاعىن فۋتبول مەن ۆولەيبولدان قالالىق چەمپيونات جوسپارلانعان. بۇل - قالانىڭ بارلىق اۋداندارىنىڭ جانە كوللەدجدەردىڭ 1ء-شى كۋرس ستۋدەنتتەرىنىڭ قۇراما كوماندالارى.
فەستيۆال اياسىندا 3 ساۋىردە 9-سىنىپ وقۋشىلارى مەن كوللەدجدەردىڭ 1-كۋرس ستۋدەنتتەرى اراسىندا "مەنىڭ بولاشاق ماماندىعىم" تاقىرىبىندا قالالىق كتك وتەدى. سول كۇنى كوللەدجدىڭ دارىندى تۇلەكتەرى قالانىڭ ءار اۋدانىنداعى سەگىز مەكتەپ بازاسىندا 9-سىنىپ وقۋشىلارىمەن كەزدەسەدى. ءىس-شارا كوللەدجدە وقۋعا دەگەن قىزىعۋشىلىقتى ارتتىرۋعا، تۇلەكتەردىڭ ءوز بيزنەسىن اشۋ جولى مەن تاجىريبەسىن كورسەتۋگە ارنالعان.
كوللەدج قىزمەتكەرلەرى مەكتەپ ديرەكتورلارى مەن كوللەدج باسشىلارى اراسىندا " ءبىلىم ساباقتاستىعى» تاقىرىبىنا دوڭگەلەك ۇستەل جوسپارلاعان. "اكادەميالىق دەربەستىك" تاقىرىبى بويىنشا ديرەكتورلار مەن جۇمىس بەرۋشىلەر اراسىنداعى ەكىنشى كەزدەسۋ 6 ساۋىرگە جوسپارلانعان.
فەستيۆال سوڭىندا 2023 جىلعى 5-7 ءساۋىر ارالىعىندا جىل سايىنعى "WorldSkills International" قۇزىرەتتىلىگى بويىنشا "WorldSkills Almaty 2023" وڭىرلىك كاسىبي شەبەرلىك چەمپيوناتى وتەدى.