«الماتى» اكك» اق ەنشىلەس ۇيىمى، «Almaty Finance» ج ش س «Askar Development» جشس-نا تۇيىق سۋ شاتقالىندا زاماناۋي تۋريستىك ورتالىقتىڭ قۇرىلىسىنا 380 ملن.تەڭگە ءبولدى.
جوبانى قارجىلاندىرۋ باسىم باعىتتاردىڭ ءبىرى رەتىندە ءتۋريزمدى قولداۋ شەڭبەرىندە «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى بويىنشا جۇزەگە اسىرىلادى. قارىز بويىنشا سىياقى مولشەرلەمەسى جىلدىق 6% (جتسم)، قارجىلاندىرۋ مەرزىمى - 5 جىلدى قۇرايدى، دەپ حابارلايدى aqshamnews.kz.
ۆيزيت-ورتالىق قوناق ۇيمەن، كافەمەن، دارىحانامەن، جابدىقتاردى ساتىپ الۋعا جانە جالعا الۋعا ارنالعان دۇكەنمەن، كادەسىي دۇكەنىمەن جانە شىعارماشىلىق ءىس-شارالار وتكىزۋگە ارنالعان ايماقپەن جابدىقتالادى. ورتالىق سونىمەن قاتار مەدەۋگە جانە كەرى باعىتتا ەلەكتروموبيلمەن تۋريستەردى تاسىمالداۋ قىزمەتتەرىن، كۆادروسيكلدەر مەن ۆەلوسيپەدتەردى جالعا الۋدى، كورشىلەس توپتىق ەكسكۋرسيالاردى، جەكە ەكسكۋرسيالاردى، تاقىرىپتىق دارىستەر مەن ماستەر-كلاسستاردى قامتاماسىز ەتەدى.
جوبانىڭ نەگىزگى ماقساتى-جەرگىلىكتى ەكوتۋريزمدى دامىتۋ ءۇشىن جاعداي جاساۋ، حالىقتى جايلى رەكرەاسيالىق دەمالىسپەن قامتاماسىز ەتۋ، الماتىنىڭ تۋريستىك تارتىمدىلىعىن ارتتىرۋ.
جەڭىلدىكتى قارجىلاندىرۋ اياسىندا «Askar Development» ج ش س ءبىرقاتار الەۋمەتتىك مىندەتتەمەلەردى ءوز موينىنا الادى. كومپانيا كەشەن اۋماعىندا تازالىقتى ساقتاۋدى قامتاماسىز ەتەدى، قالدىقتاردى باسقارۋ جۇيەسىن ەنگىزەدى، مارشرۋتتاردى سيپاتتايتىن ينتەراكتيۆتى اقپاراتتىق پانەلدەر ورناتادى، قۇتقارۋ قىزمەتتەرى مەن تۋريستەردى قولداۋ ورتالىقتارىنىڭ كونتاكتىلەرى بار قالقانداردى ورنالاستىرادى، شۇعىل بايلانىس ايماعىن قۇرادى.
ورتالىقتى سالۋ جانە جايلاستىرۋ كەزىندە قارىز الۋشى ەكولوگيالىق تازا ماتەريالداردى پايدالانادى، تۋريستەردى ولاردىڭ مارشرۋتتارىنىڭ باعىتتارىن قاداعالاۋ فۋنكسياسىمەن تىركەۋ جۇيەسىن ۇيىمداستىرادى، تەگىن قوعامدىق دارەتحانانى كوزدەيدى جانە تاۋ مارشرۋتتارىندا ءقاۋىپسىز ءجۇرىس-تۇرىس بويىنشا تۇراقتى دارىستەر مەن نۇسقامالار جوسپارلايدى. كەشەن اۋماعىندا سىيىمدىلىعى 8 ادامعا دەيىن قۇتقارۋ قىزمەتىنىڭ قىزمەتكەرلەرىنە ارنالعان ەكى ءۇي-جايدى ورنالاستىرۋ مۇمكىندىگى قوسىمشا قاراستىرىلۋدا.
«الماتىنىڭ تۋريستىك تارتىمدىلىعىن ارتتىرۋمەن قاتار، جوبا اياسىندا 22 جاڭا تۇراقتى جۇمىس ورنى قۇرىلادى، سونداي-اق جەرگىلىكتى بيۋدجەتكە تۇسەتىن تۇسىمدەر ۇلعايتىلادى. كومپانيانىڭ جىل سايىنعى سالىق تولەمدەرى 170 ملن. تەڭگەنى قۇرايدى دەپ كۇتىلۋدە»، - دەپ اتاپ ءوتتى «Almaty Finance»ج ش س باسقارما ءتوراعاسىنىڭ ورىنباسارى جۇلدىز يگەنوۆ.