قازاقستانداعى بالالار حيرۋرگياسىنىڭ نەگىزىن قالاۋشى، پەدياتر-دارىگەر، اكادەميك كامال ورمانتايەۆ دۇنيەدەن وزدى.
بۇل تۋرالى اسفەندياروۆ اتىنداعى قازۇمۋ باسپا ءسوز قىزمەتى مالىمدەدى، دەپ حابارلايدى aqshamnews.kz.
اكادەميكتىڭ ومىردەن وتكەنى تۋرالى اقپاراتتى ونىڭ ۇلى جاراس ورمانتايەۆ تا راستادى.
بۇگىن تۇندە ارداقتى اكەم، قازاقستاندىق بالالار حيرۋرگياسىنىڭ نەگىزىن قالاۋشىسى - اكادەميك كامال ورمانتايەۆ ومىردەن وزدى، - دەپ جازدى جاراس ورمانتايەۆ ءوزىنىڭ Facebook-تەگى پاراقشاسىندا.
كامال سارۋار ۇلى 1936 جىلى قىزىلوردا وبلىسىندا دۇنيەگە كەلگەن. 1953 جىلى الماتى مەملەكەتتىك مەديسينا ينستيتۋتىنىڭ پەدياتريا فاكۋلتەتىنە ءتۇسىپ، مەديسينا سالاسىنداعى جولىن باستادى. 1968 جىلى وسى ينستيتۋتتىڭ بالالار حيرۋرگياسى كافەدراسىن باسقاردى، بۇل قازاقستاندىق بالالار حيرۋرگياسىنىڭ عىلىمي مەكتەبىنىڭ قالىپتاسۋىنا نەگىز قالادى.
قازاقستانداعى بالالار حيرۋرگياسىنىڭ نەگىزىن قالاۋشى، پەدياتر-دارىگەر، مەديسينا عىلىمدارىنىڭ دوكتورى، پروفەسسور، عىلىم قايراتكەرى، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، قازاقستاننىڭ پروفيلاكتيكالىق مەديسينا اكادەمياسىنىڭ اكادەميگى جانە ۆيسە-پرەزيدەنتى، 1999 جىلعى قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى.
ءوزىنىڭ ايرىقشا ەڭبەك جولىندا ول 20 000-عا جۋىق كۇردەلى وپەراسيا جاساپ، مىڭداعان بالانىڭ ءومىرىن ساقتاپ قالدى. ونىڭ ەڭبەگىنىڭ ارقاسىندا 1 500-دەن استام دارىگەر دايىندالىپ، ولاردىڭ كوپشىلىگى قازاقستاندا عانا ەمەس، شەتەلدە دە جەتەكشى مامان اتاندى.