الماتىنىڭ ناۋرىزباي جانە تۇركسىب اۋداندارىندا وتكەن جىلدان بەرى تۋبەركۋلەزگە ەكسپرەسس دياگنوستيكا جاسايتىن ورتالىقتار جۇمىس ىستەيدى
وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسىنداعى فتيزيوپۋلمونولوگيالىق ورتالىق ديرەكتورىنىڭ مىندەتىن اتقارۋشى قازيما قاجىكەنوۆا ەلىمىزدىڭ ەڭ ۇلكەن مەگاپوليسىندە تۋبەركۋلەزدىڭ قالاي انىقتالىپ، ەمدەلەتىنى تۋرالى ايتىپ بەردى، دەپ حابارلايدى اlmaty-akshamy.kz.
مەديسينا مامانىنىڭ ايتۋىنشا، الماتى قالاسىندا دا، رەسپۋبليكا كولەمىندە دە تۋبەركۋلەزگە قارسى كۇرەسكە ەرەكشە كوڭىل بولىنۋدە. قولدانىستاعى نورماتيۆتىك-قۇقىقتىق اكتىلەرمەن قاتار، 2022 جىلدىڭ جەلتوقساندا الماتى قالاسىنىڭ اكىمدىگى 2023-2024 جىلدارعا ارنالعان جول كارتاسىن بەكىتتى، وندا فتيزيوپۋلمونولوگيالىق قىزمەتتىڭ كادرلىق الەۋەتىن كۇشەيتۋ تۋرالى، تۋبەركۋلەزدى انىقتاۋ مەن ەمدەۋدىڭ زاماناۋي ادىستەرىن قولدانۋ تۋرالى، بالالار مەن ەرەسەكتەر اراسىندا تۋبەركۋلەزدى الدىن الۋ بويىنشا ءىس-شارالار جۇرگىزۋ تۋرالى جانە تۋبەركۋلەزگە قارسى كۇرەستە ازاماتتىق قوعامنىڭ ءرولىن كۇشەيتۋدى قامتىيتىن ءىس-شارالار بەكىتىلدى.
«الماتى قالاسىندا كۆي ىندەتىنىڭ تەرىس اسەرىنە قاراماستان، تۋبەركۋلەز بويىنشا تۇراقتى ەپيدەميولوگيالىق احۋال ساقتالۋدا جانە نەگىزگى كورسەتكىشتەر رەسپۋبليكالىق ورتاشا دەڭگەيدەگى كورسەتكىشتەردەن تومەن. سوڭعى 5 جىلدا الماتى قالاسىندا تۋبەركۋلەزبەن اۋىرۋ كورسەتكىشى 35،1%، ال تۋبەركۋلەزدەن بولاتىن ءولىم كورسەتكىشى 25،1% پايىزعا تومەندەدى»، - دەپ حابارلادى قازيما قاجىكەنوۆا.
جاڭا جۇقتىرۋ جاعدايلارىن ەمدەۋدىڭ تيىمدىلىگى دە 87%-دان استى. وتكەن جىلى تۋبەركۋلەزبەن اۋىراتىن 876 ناۋقاسقا الەۋمەتتىك قولداۋ كورسەتىلسە، الماتى قالاسىنىڭ اكىمدىگى تۋبەركۋلەزبەن اۋىراتىندارعا اي سايىن 35 000 تەڭگەدەن اقشالاي كومەك كورسەتۋدە. ۇكىمەتتىك ەمەس ۇيىم ناۋقاستارعا جول ءجۇرۋ بيلەتتەرى، ازىق-تۇلىك پاكەتتەرى جانە اقشالاي تولەمدەر تۇرىندە كومەك كورسەتەدى.
«مولەكۋلالىق-گەنەتيكالىق ادىستەرىنە قولجەتىمدىلىگىن كەڭەيتۋ ءۇشىن 2022 جىلدان باستاپ ناۋرىزباي (№36 قە) جانە تۇركسىب اۋدانىنداعى (№24 قە)، تۋبەركۋلەزدى جەدەل دياگنوستيكالاۋ ورتالىقتارى اشىلدى، ەمحانالاردا G-Xpert اپپاراتى ورناتىلدى»، - دەپ جالعاستىردى وكق سپيكەرى.
بۇگىنگى كۇنى تۋبەركۋلەزبەن اۋىرۋدى تومەندەتۋ كورسەتكىشتەرىنە قول جەتكىزۋ فتيزياتريالىق قىزمەت پەن مساك جۇرگىزىلىپ جاتقان جۇيەلى جۇمىستارىنىڭ ارقاسىندا مۇمكىن بولىپ وتىر.