الماتىدا تۋبەركۋلەزدى دياگنوستيكالاۋ، الدىن الۋ جانە ەمدەۋدىڭ زاماناۋي باعدارلامالارى تابىستى جۇزەگە اسىرىلىپ كەلەدى. بۇل اۋرۋعا شالدىعۋ مەن ءولىم-جىتىم دەڭگەي̆ءىنىڭ اي̆تارلىقتاي̆ تومەندەۋىنە ىقپال ەتتى. بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ق ر ۇلتتىق فتيزيوپۋلمونولوگيا عىلىمي ورتالىعىنىڭ ديرەكتورى، ق ر باس فتيزياترى مالىك ادەنوۆ مالىمدەدى، دەپ حابارلايدى aqshamnews.kz
سوڭعى التى جىلدا قازاقستاندا تۋبەركۋلەزگە شالدىعۋ 27%-عا، اۋرۋدىڭ تارالۋ دەڭگەي̆ءى 32،1%-عا ازاي̆دى. الماتىدا دا وڭ ديناميكا باي̆قالادى.
«تەك وتكەن جىلدىڭ وزىندە تۋبەركۋلەزگە شالدىعۋ كورسەتكىشى 4%-عا تومەندەدى. بۇل قابىلدانعان شارالاردىڭ تيىمدىلىگىن كورسەتەدى»، – دەپ اتاپ ءوتتى مالىك ادەنوۆ.
قازىرگى ۋاقىتتا ەلدە مولەكۋلالىق-گەنەتيكالىق دياگنوستيكا ادىستەرى ەنگىزىلگەن. ولار اۋرۋدى نەبارى ەكى ساعات ىشىندە انىقتاۋعا مۇمكىندىك بەرەدى. 2024 جىلى قازاقستاندا 90 مىڭعا جۋىق ادام تەكسەرىستەن ءوتتى، ولاردىڭ 9،1%-ىندا اۋرۋ راستالدى.
«ءبىز حالىقارالىق ستاندارتتارعا ساي̆ ەكسپرەسس-دياگنوستيكانى بەلسەندى تۇردە قولدانۋدامىز. بۇل اۋرۋدى ەرتە كەزەڭدە انىقتاپ، ەمدەۋدى تەزىرەك باستاۋعا كومەكتەسەدى»، – دەدى ساراپشى.
الماتىدا ءبىر جاسقا دەي̆ىنگى بالالاردىڭ 97،4%-ى بسج ەكپەسىن العان، بۇل دۇنيەجۇزىلىك دەنساۋلىق ساقتاۋ ۇي̆ىمىنىڭ (ددسۇ) ستاندارتتارىنا ءساي̆كەس كەلەدى. سونىمەن قاتار، 12 مىڭنان استام ادام، ونىڭ ىشىندە 7 مىڭنان استام بالا الدىن الۋ ەمىن قابىلدادى. بۇل وتكەن جىلمەن سالىستىرعاندا 22،4%-عا جوعارى.
«تۋبەركۋلەزدىڭ الدىن الۋ جۇمىستارىن ودان ءارى جالعاستىرامىز، ءوي̆تكەنى اۋرۋدى ەرتە انىقتاۋ ونى جەڭىل ەمدەۋگە مۇمكىندىك بەرەدى»، – دەدى مالىك ادەنوۆ.
پاسيەنتتەردىڭ 95%-دان استامى ينەكسياسىز ەم قابىلداۋدا، ال دارىگە ءتوزىمدى تۋبەركۋلەزدىڭ ەمدەۋ مەرزىمى 9-12 اي̆عا دەي̆ءىن قىسقارتىلعان. سونداي̆-اق، الماتىدا 2555 باقىلاۋلى ەمدەۋ كابينەتى جۇمىس ىستەي̆ءدى، وندا مىڭداعان ناۋقاس ەم الۋدا.
مەملەكەت پاسيەنتتەرگە الەۋمەتتىك قولداۋ كورسەتۋدى جالعاستىرۋدا. 2024 جىلى بۇل ماقساتقا 2،4 ملرد تەڭگەدەن استام قارجى ءبولىنىپ، امبۋلاتوريالىق ەم قابىلداۋشىلاردىڭ 95%-دان استامى كومەك الدى.
يننوۆاسيالىق دياگنوستيكا، ەمدەۋ جانە الدىن الۋ شارالارىن ەنگىزۋدىڭ ناتيجەسىندە قازاقستان مەن الماتىدا تۋبەركۋلەزگە شالدىعۋ كورسەتكىشى تۇراقتى تۇردە تومەندەۋدە. بۇل دەرتپەن كۇرەسكە ارنالعان ۇلتتىق ستراتەگيا حالىقارالىق ستاندارتتارعا تولىقتاي̆ ءساي̆كەس كەلەدى جانە جوعارى تيىمدىلىگىن كورسەتىپ وتىر