سوڭعى بەس جىلدا مەگاپوليستە تۋبەركۋلەزبەن سىرقاتتانۋ كورسەتكىشى 34%-دان استامعا تومەندەدى. بۇل تۋرالى الماتى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالالىق قوعامدىق دەنساۋلىق باسقارماسىنىڭ فتيزيوپۋلمونولوگيا ورتالىعىنىڭ ديرەكتورى جانار ساپييەۆا مالىمدەدى، دەپ حابارلايدى اlmaty-akshamy.kz
سپيكەردىڭ ايتۋىنشا، قالادا سىرقاتتانۋشىلىقتىڭ تومەندەۋ ديناميكاسى بايقالادى، ال نەگىزگى كورسەتكىشتەر ورتاشا رەسپۋبليكالىق كورسەتكىشتەردەن تومەن. ەگەر 2017 جىلى 100 مىڭ تۇرعىنعا شاققاندا اۋرۋدىڭ 35-تەن ءسال ارتىق جاعدايى تىركەلسە، 2021 جىلى بۇل كورسەتكىش 23-كە جەتتى. سونىمەن قاتار، سوڭعى 5 جىلدا ءولىم كورسەتكىشى 63،8%-عا تومەندەدى.
فتيزيوپۋلمونولوگيا ورتالىعىندا تالداۋ جۇرگىزىلدى، ول اۋرۋدىڭ تومەندەۋىنىڭ نەگىزگى سەبەبى پاندەميامەن بايلانىستى شەكتەۋلەر كەزەڭىندە قالانىڭ ىرگەلەس ايماقتارىنان كەلگەن ىشكى ميگرانتتار اراسىندا تۋبەركۋلەز جاعدايلارىن انىقتاۋدىڭ كۇرت تومەندەۋى ەكەنىن كورسەتتى. ماسەلەن، ەگەر 2019 جىلى ىشكى ميگرانتتار اراسىندا انىقتالعان تۋبەركۋلەز وقيعالارىنىڭ سانى 168 ادامدى قۇراسا، 2020 جىلى – 58 جاعداي، 2،5 ەسە ازايدى. جانار ساپييەۆا الماتىدا جىل سايىن امبۋلاتوريالىق ەمدەۋمەن قامتۋدىڭ ۇلعايىپ كەلە جاتقانىن ايتتى.
«كۇن سايىن 8 ءموبيلدى توپ مۇمكىندىگى شەكتەۋلى، ەگدە جاستاعى جانە جاس بالالارى بار ايەلدەر اراسىندا ۇيدە باقىلاناتىن ەم جۇرگىزۋ ءۇشىن جەكە اۆتوكولىكپەن شىعادى»، - دەپ حابارلادى ورتالىق ديرەكتورى.
ج. ساپييەۆا بارلىق ناۋقاستار ەمدەۋ كۋرسى اياقتالعانعا دەيىن جەرگىلىكتى اتقارۋشى ورگانداردىڭ قولداۋىنىڭ ارقاسىندا 35 مىڭ تەڭگە كولەمىندە جاردەماقى الاتىنىن ايتتى. بيىل الەۋمەتتىك كومەك كولەمى 6،6%-عا ءوستى، قازىرگى ۋاقىتتا 830 پاسيەنت كومەك الۋدا.
الماتى قالاسىندا تۋبەركۋلەزبەن كۇرەس ايلىعى تۋرالى ايتا كەلە، جانار ساپييەۆا 40-تان استام مەديسينالىق مەكەمەدە اشىق ەسىك كۇندەرى ۇيىمداستىرىلاتىنىن حابارلادى.