كوۆيد ستاسيونارلار بوساپ جاتىر

الماتى وبلىسىنىڭ كوۆيدتىك اۋرۋحانالارىندا  88 ناۋقاس ەم الىپ جاتىر.

ەلىمىزدىڭ باتىس ايماعىنداعى اۋرۋشاڭدىق كورسەتكىشتەرى دە قالىپتى، كۇردەلەنۋ جاعدايلارى جوق، دەپ حابارلايدى Almaty-akshamy.kz سانيتارلىق - ەپيدەميولوگيالىق باقىلاۋ كوميتەتىنە سىلتەمە جاساپ.

ەلىمىزدىڭ باسقا وڭىرلەرىندەگى احۋال قانداي؟! تۇركىستان وبلىسىندا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى. وڭىردە ينفەكسيالىق ستاسيونارلاردا 809 توسەك-ورىن جاساقتالعان، دەگەنمەن قازىرگى ۋاقىتتا بارلىعى بوس، ويتكەنى COVID-19 دياگنوزىمەن بىردە-بىر ناۋقاس جوق.

اقتوبە وبلىسىنىڭ ينفەكسيالىق ستاسيونارىندا 5 ناۋقاس ەمدەلسە، باتىس قازاقستان وبلىسىندا 3، ماڭعىستاۋ وبلىسىندا 6 ناۋقاس ەم قابىلداۋدا.

قىزىلوردا وبلىسىندا ستاسيونارلىق ەمدە 10 پاسيەنت، شىمكەنتتە 12، اقمولا وبلىسىندا 14، پاۆلودار مەن قاراعاندى وبلىستارىندا 26، نۇر-سۇلتاندا 30، جامبىل وبلىسىندا 35، شىعىس قازاقستان وبلىسىندا 40، سولتۇستىك قازاقستان وبلىسىندا 38، الماتى قالاسىندا 49 ادام بار.

ەمدەلۋشىلەردىڭ ەڭ كوپ سانى الماتى وبلىسىنىڭ كوۆيدتىك اۋرۋحانالارىندا – 88 ناۋقاس. كوروناۆيرۋس ينفەكسياسىنان قورعانۋدىڭ ەڭ ءتيىمدى جولى – اۋرۋدىڭ الدىن الۋ.

ەگەر ءاربىر ازامات ۇجىمدىق يممۋنيتەت قالىپتاستىرۋ ءۇشىن ۆاكسينالاۋ قارقىنىن تومەندەتپەي، ريەۆاكسينالاۋدان ۋاقىتىلى ءوتۋدى جالعاستىراتىن بولسا، اۋرۋحانالارىندا بىردە-بىر ناۋقاس قالماعان اتىراۋ مەن تۇركىستان وبلىستارىنداعىداي جاعداي ەلىمىزدىڭ وزگە دە ايماقتارىندا ورىن الۋىنا ۇلەس قوسقان بولار ەدى.