الماتى قالاسىندا حالىقارالىق تۇركى اكادەمياسى «ۇلىلار ۇندەستىگى» اتتى حالىقارالىق كونفەرەنسيا وتكىزدى. اتالعان شارا ۇلت ۇستازى ا.بايتۇرسىن ۇلىنىڭ تۋعانىنا 150 جىل، زاڭعار جازۋشى م.اۋەزوۆتىڭ تۋعانىنا 125 جىل تولۋىنا وراي ۇيىمداستىرىلدى، دەپ حابارلايدى اlmaty-akshamy.kz inform.kz سىلتەمە جاساپ.
ۇلتتىق كىتاپحانا عيماراتىندا وتكەن القالى جيىنعا حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، الماتى قالاسى اكىمىنىڭ ورىنباسارى ارمان قىرىقبايەۆ، بەلگىلى قوعام قايراتكەرى مۇرات اۋەزوۆ، ق ر ۇعا پرەزيدەنتى مۇرات جۇرىنوۆ، تمۇ اقساقالدار كەڭەسىنەن مۇشەسى يكرام ادىربەكوۆ، م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، ق ر ۇعا اكادەميگى مامبەت قويگەلدييەۆ، قازاقستاننىڭ ەڭبەك سىڭىرگەن قايراتكەرى سماعۇل ەلۋباي، سونداي-اق زيالى قاۋىم وكىلدەرى مەن تانىمال عالىمدار قاتىستى.
تاعىلىمدى شارا اياسىندا الاش قايراتكەرلەرىنە، ا.بايتۇرسىن ۇلى جانە م.اۋەزوۆكە ارنالعان ارنايى كورمە ۇيىمداستىرىلدى.
باسقوسۋدى اكادەميا باسشىسى دارحان ءقىدىرالى جۇرگىزىپ وتىردى.
القالى جيىن اياسىندا قوس بىردەي تۇرعىرلى تۇلعانىڭ مەرەيتويىنا وراي حالىقارالىق تۇركى اكادەمياسى ازىرلەپ جارىققا شىعارعان ءبىرقاتار ەڭبەكتەردىڭ تانىستىرۋ ءراسىمى ءوتتى.