بۇل تۋرالى ءماسليحاتتىڭ VII سەسسياسىندا الماتى اكىمىنىڭ ورىنباسارى اسقار ءامرين مالىمدەدى، دەپ حابارلايدى Almaty-akshamy.kz.
وسى ماقساتتارعا بيۋدجەتتەن 2023 جىلدىڭ سوڭىنا دەيىن 3،3 ملرد تەڭگە، اي سايىن 544 ملن تەڭگەدەن ءبولۋ جوسپارلانۋدا.
الماتىدا حالىقتىڭ الەۋمەتتىك وسال توپتارى (ءحاوت) ساناتىنا جاتاتىن 315 مىڭ ازامات تۇرادى. اتالعان تۇلعالاردى قولداۋ اياسىندا ءبىز تاريفتەردى كوتەرۋ ءۇشىن وتەماقى تولەۋدى جوسپارلاپ وتىرمىز. الەۋمەتتىك كومەك مولشەرى 0،5 اەك (1725 تەڭگە) قۇرايدى، دەپ ناقتىلادى اسقار ءامرين.
ول مەملەكەت باسشىسىنىڭ تاپسىرماسى بويىنشا «ينۆەستيسيالارعا ايىرباستاۋ ءتاريفى باعدارلاماسىنا كوشۋ اياسىندا كوممۋنالدىق قىزمەتتەر باعاسىنىڭ شامالى ءوسۋى جىل سايىن جىلۋمەن جابدىقتاۋ كوممۋنيكاسيالارىن 2-2، 5%-عا،سۋمەن جابدىقتاۋ 2%-عا جانە ەلەكترمەن جابدىقتاۋ 1،2%-عا جوندەۋگە جانە وزگەرتۋگە مۇمكىندىك بەرەتىنىن، وسىلايشا مەگاپوليستىڭ ون مىڭداعان تۇرعىندارىن ساپالى ينجەنەرلىك جەلىلەرمەن قامتاماسىز ەتەتىنىن ءتۇسىندىردى.
جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ اتاپ وتكەندەي، وتەماقى سۋمەن جابدىقتاۋ، سۋ بۇرۋ، گاز، جىلىتۋ جانە ت. ب. سياقتى قىزمەتتەردىڭ 12 ءتۇرى بويىنشا تاريفتەردىڭ كوتەرىلۋ ايىرماشىلىعىن جاباتىن بولادى.
مىسالى: پاتەرى 40 ش. م. بولاتىن ازاماتتارعا تاريفتەردىڭ ءوسۋى 110%-عا 60 ش. م - تاريفتەردىڭ 90%-ى،70 ش. م. تاريفتەردىڭ 80%-ى جابىلادى.
وسى ەرەجەلەر اعىمداعى جىلدىڭ سوڭىنا دەيىن قولدانىستا بولادى، ودان ءارى ۇزارتۋ الماتى قالاسىنىڭ 2024-2026 جىلعا ارنالعان بيۋدجەتىن ازىرلەۋ كەزىندە قارالادى.
وتەماقىعا قۇجاتتاردى اۋداندىق اكىمدىكتەر مەن الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى قابىلدايدى، تولەمدەر ءوتىنىش بەرۋشىلەردىڭ شوتتارىنا ەكىنشى دەڭگەيدەگى بانكتەر ارقىلى تۇسەتىن بولادى.
انىقتاما ءۇشىن:
ءحاوت ساناتتارىنداعى 315 430 ازاماتتىڭ:
• ۇوس ارادگەرلەرى – 54 ادام. (0،02%)؛
• باسقا مەملەكەتتەر اۋماعىنداعى اسكەري ىس-ارەكەتتەردىڭ ارداگەرلەرى - 2978 ادام (0،94%)؛
• ۇوس ارداگەردلەرىنە تەڭەستىرىلگەندەر – 1538 ادام (0،48%)؛
• ءبىرىنشى جانە ەكىنشى توپتاعى مۇگەدەكتەر – 28 433 ادام. (8،9%)؛
• مۇگەدەك بالاسى بار وتباسىلار نەمەسە ولاردى تاربيەلەۋشىلەر – 8591 ادام (2،71%)؛
• «التىن القا»، «كۇمىس القا» توسبەلگىسىمەن ماراپاتتالعاندار، كوپبالالى انالار – 35 562 ادام (11،2%)؛
• مەملەكەتتىك نەمەسە قوعامدىق مىندەتتەردى، اسكەري قىزمەتتى اتقارۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىقتىق ءتارتىپتى قورعاۋ كەزىندە قازا تاپقان (قايتىس بولعان) ادامداردىڭ وتباسىلارى، – 534 ادام (0،16%)؛
• جاسى بويىنشا زەينەتكەرلەر – 237 740 ادام. (75،1%).